कालापानी क्षेत्र नेपालको हो, भारत एक्लैको निर्णय मान्दैनौँ : परराष्ट्र मन्त्रालय

 कात्तिक २०, २०७६ बुधबार १८:१४:१ | उज्यालो सहकर्मी
unn.prixa.net

काठमाण्डौ– भारत सरकारले केही दिनअघि मात्रै प्रकाशित गरेकाे नयाँ राजनीतिक नक्सालाई लिएर नेपालको कालापानी क्षेत्र सम्बन्धमा प्रकाशित विभिन्न समाचार एवं टिप्पणीप्रति नेपाल सरकारको ध्यानाकर्षण भएको छ । 

परराष्ट्र मन्त्रालयले बुधबार निकालेको विज्ञप्तिमा भनिएको छ– कालापानी क्षेत्र नेपालको भूभाग हो भन्ने विषयमा नेपाल सरकार स्पष्ट छ । 

नेपाल तथा भारतका परराष्ट्र मन्त्रीस्तरीय संयुक्त आयोगका बैठकहरूबाट दुई देशबीचका समाधान हुन बाँकी सीमासम्बन्धी समस्याहरूको समाधानको लागि प्राविधिकहरूको सल्लाहमा दुवै देशका परराष्ट्र सचिवहरूले काम गर्ने गरी जिम्मेवारी दिइएको मन्त्रालयले जनाएको छ ।

दुई देशबीच सुल्झाउन बाँकी रहेका सीमासम्बन्धी विषयहरू दुवै पक्षको आपसी सहमतिमा टुङ्ग्याउनु पर्ने र एकपक्षीय ढंगबाट गरिने कुनै पनि निर्णय नेपाल सरकारलाई मान्य नहुने बताइएको छ । 

मन्त्रालयले नेपाल सरकार नेपालको अन्तर्राष्ट्रिय सिमाना रक्षाको लागि प्रतिबद्ध रहेको जनाएको छ । साथै मन्त्रालय दुई मित्र राष्ट्रहरूबीचको सीमा समस्याको समाधान ऐतिहासिक दस्तावेज एवं तथ्य प्रमाणहरूको आधारमा कूटनीतिक माध्यमबाट हुनुपर्ने मान्यतामा दृढ रहेको पनि विज्ञप्तिमा उल्लेख छ ।

अन्तिम अपडेट: मंसिर १, २०७६

1 Comments

  • dhama paudyal

    Nov. 8, 2019, 6:13 p.m.

    यो क थित बिज्ञप्ती ले नै देखाउछ यी #लम्पसारबादी को नियत । त्यो कस्ले जारी गरेको ? कुक्कुर ले कि स्याल ले ? त्यो पनि देखिदैन । पत्रको अन्त्मा देखिएको चिल उडेको तस्बिर हो कि सही हो । सही हो भने कस्ले गरेको ? परारास्ट्र को पियन ले छाप लगाएको प्याड मा चिट्ठी टाइप गरेछ पो भन्छन ए! त्यो भोली मालिक रिसायो भने त्यो हामी ले जारी गरेको होइन भनेर पन्छिन यो नाटक गरेको हो । यस्तो पनि सरकारी कागज हुन्छ ?

  •  0 Reply

तपाईको प्रतिक्रिया