इरान र इजरायलबीच युद्ध चर्किन सक्ने जोखिम तत्काललाई टरेपछि मध्...
बैशाख ८, २०८१ शनिबार
काठमाडाैं - प्रमुख प्रतिपक्ष दल नेपाली कांग्रेसका सभापति शेरबहादुर देउवाले वरिष्ठ चिकित्सक गोविन्द केसीको माग तत्काल सम्बोधन गर्न सरकारलाई पुनः दवाव दिनु भएको छ ।
सभापति देउवाले जीवन रक्षाका लागि पनि वरिष्ठ चिकित्सक केसीको मागलाई सम्बोधन गर्न ढिलाई नगर्न पनि सरकारसँग जोडदार माग गर्नुभयो ।
शुक्रबार अपराह्न वरिष्ठ चिकित्सक केसीको महाराजगञ्जमा रहेकाे शिक्षण अस्पताल पुगेर स्वास्थ्य अवस्था बुझेपछि उहाँले केसीको माग जायज रहेको भन्दै त्यसमा आफूहरुको साथ रहने अडान पनि दोहोर्याउनुभयो ।
सभापति देउवाले संचारकर्मीहरुमाझ तत्कालीन एमालेसहितको सहमतिमा आफू नेतृत्वको सरकारले ल्याएको राष्ट्रिय चिकित्सा शिक्षा अध्यादेश जस्ताको तस्तै नआए मान्य नहुने चेतावनी पनि दिनुभयो ।
सभापति देउवाले जीवन रक्षाका लागि वरिष्ठ चिकित्सक केसीको समर्थनमा जुटन पनि सबैलाई पुनः आह्वान गर्नुभयो ।
प्रमुख प्रतिपक्ष नेपाली कांग्रेसले वरिष्ठ चिकित्सक केसीको माग सम्बोधन गर्न देउवा नेतृत्वको अघिल्लाे सरकारले ल्याएको राष्ट्रिय चिकित्सा शिक्षा विधेयकलाई जस्ताको तस्तै संसदबाट पारित गराउन माग गर्दै संसद र सडक दुवै संघर्षलाई निरन्तरता दिँदै आएको छ ।
नारायण
July 20, 2018, 8:38 p.m.गोबिन्द के सि लाई ढाल बनाएर राजनीतिक रोटी सेक्नुपर्छ ! तेसैमा काङ्ग्रेसको भबिस्य छ !