कृषि विकास बैंक, न्यूरोड शाखाका तत्कालीन शाखा प्रबन्धकसहित आठ जनामाथि भ्रष्टाचारकाे मुद्दा दायर

 पुस २९, २०७६ मंगलबार २०:०:४६ | उज्यालो सहकर्मी
unn.prixa.net

काठमाण्डाै - कृषि विकास बैंक, न्यूरोड शाखाका तत्कालीन शाखा प्रबन्धक प्रेमहरि ढुंगेल र नेपाली सेनाका अवकाशप्राप्त सहायक रथी रमेशराज बिष्टसहित ८ जनाविरुद्ध विशेष अदालत काठमाण्डौमा भ्रष्टाचारको मुद्दा दायर भएको छ ।

बैंकको ४ करोड ४२ लाख ७३ हजार ६ सय ११ रुपैयाँ गैर–कानुनी ढंगले नोक्सानी पुर्‍याएको अभियोगमा अख्तियार दुरुपयोग अनुसन्धान आयोगले मुद्दा दायर गरेको हो । तत्कालीन शाखा प्रबन्धक ढुंगेल र अवकाशप्राप्त सहायक रथी बिष्टसहित बैंकका टेलर सहायक दिपिका रेग्मी, ऋण शाखा प्रमुखहरु गोपाल गिरी र महेश्वर मरहट्ठा, तत्कालीन ऋण शाखा अधिकृत सलिल रेग्मी, तारानाथ पाण्डे र दुर्गा ज्वेलर्सका सञ्चालक प्रकाश घतानीले मिलेर गैर–कानुनी रुपमा रकम निकालेर नोक्सानी पुर्‍याएको अख्तियारले जनाएको छ ।

उनीहरुको मिलेमतोमा राष्ट्र बैंकको निर्देशिका विपरीत चेक क्लियरिङको काम गरी पैसा बाँडेर कृषि विकास बैंकलाई चार करोड चौबीस लाख तेह्र हजार रुपैयाँ सरकारलाई नोक्सानी पुर्‍याएको पुष्टि हुन आएको अख्तियारका प्रवक्ता प्रदिपकुमार कोइरालाले जानकारी दिनुभयो ।

अन्तिम अपडेट: माघ २, २०७६

तपाईको प्रतिक्रिया