जथाभाबी फोहर फाल्नेबाट वीरगञ्ज महानगरले उठायो २७ लाख रुपैयाँ
चैत १६, २०८० शुक्रबार
काभ्रे –वीपी राजमार्गको बन्दको असर तीन नम्बर प्रदेशका मुख्यमन्त्री डोरमणि पौडेललाई समेत परेको छ ।
सिन्धुलीमा भएको एक कार्यक्रममा पुगेर फर्कँदै गर्नुभएका पौडेल अहिले मंगलटार प्रहरी चौकीमा बन्द खुल्नेको पर्खाईमा हुनुभएको प्रहरीले जानकारी दिएको छ ।
बनेपाको चारदोबाटोमा टिप्परको ठक्करबाट ज्यान गुमाएका नमोबुद्ध नगरपालिका ७ का ५७ वर्षीय जितबहादुर तामाङका आफन्त तथा शुभचिन्तकहरुले वीपी राजमार्गको नौबिसेमा प्रर्दशन गरेका कारण मुख्यमन्त्री बीच बाटोमै रोकिनु परेको हो ।
तामाङको मृत्युपश्चात उनीहरुले वीपी राजमार्गको दाप्चा पुल छेउमा टायर बारेर राजमार्ग अवरुद्ध पारेका हुन् । मृतकको ठेगाना खुल्ने बित्तिकै स्थानीयले राजमार्गमा टायर बालेका थिए ।
राजमार्ग अवरुद्ध हुँदा वीपी राजमार्ग हुँदै पूर्व जाने सवारीसाधनहरु भकुण्डेमा रोकिएका छन् । पुल छेउको बीच सडकमा टायर बालेको कारण दुवैतर्फ सवारी रोकिएको प्रहरीले जनाएको छ ।
केही समयअघि बनेपामा बा २ क ३९३४ नं को टिप्परले बा ८३ प ५०७७ नम्बरको मोटरसाइकललाई ठक्कर दिँदा तामाङको ज्यान गएको थियो ।
काभ्रेमा बसेर पत्रकारिता गर्ने कपिल कोइराला उज्यालोका जिल्ला सहकर्मी हुनुहुन्छ ।