पश्चिम अफ्रिकाका केही देशमा पछिल्लो दुई सय वर्षयताकै धेरै गर्मी
बैशाख ६, २०८१ बिहिबार
काठमाण्डौ – गएकाे माघ ८ गते राति ठमेल बस्ने अम्जित खानको मोटरसाइकल घरबाटै चोरी भयो । मोटरसाइकल चोरी भएको थाहा हुनेबित्तिकै उहाँले प्रहरीलाई खबर गर्नुभयो
प्रहरीले दिएकाे जानकारीअनुसार उहाँले महानगरीय ट्राफिक प्रहरी महाशाखामा मोटरसाइकल चोरी भएको उजुरी दिनुभयो । हराएको १७ दिनमा उहाँले ट्राफिक प्रहरीमार्फत आफ्नो मोटरसाइकल सही सलामत भेट्टाउनुभयो ।
गएको पुस २८ गते राताे पुलकी ज्याेति अग्रवालकाे आफ्नो घर अगाडि नै रोकेर राखेकाे स्कुटर हरायाे । बेलुका झण्डै ८ बजे खाना खान माथिल्लो तल्ला गएर फर्कनसम्म झण्डै १५ मिनेटको अन्तरालमा स्कुटर गायब ।
उहाँले तत्कालै प्रहरीमा जानकारी गराउनुभयो र भोलिपल्ट महानगरीय ट्राफिक प्रहरी महाशाखामा उजुरी दिनुभयो । अग्रवालले पनि ट्राफिक प्रहरीको सहयोगमा हराएको २६ दिनपछि स्कुटर भेट्टाउनुभयो ।
ललितपुको महालक्ष्मी नगरपालिकाको इमाडोलका समित खड्काको माटरसाइकल पनि घरबाटै हराएको थियो । राति गेटभित्रै पार्किङ गरेको मोटरसाइकल हराउला भनेर उहाँले सोच्नु पनि भएको थिएन । भोलिपल्ट बिहान उहाँले प्रहरीकाेमा उजुरी गर्नुभयो । तर ६ वर्ष बितिसक्यो उहाँकाे मोटरसाइकल भेटिएको छैन ।
महानगरीय ट्राफिक प्रहरी महाशाखाका अनुसार हराएकामध्ये थोरै मोटरसाइकल मात्रै भेटिने गरेको छ । विसं २०७६ साउनदेखि माघ महिनासम्म एक हजार १८ मोटरसाइकल र स्कुटर हराएको उजुरी आएको थियो । जसमध्ये दुई सय ६१ वटामात्र भेट्टिएकाे छ । चोरीमा संलग्न ३० जनामाथि अनुसन्धान अघि बढाइएको छ ।
‘मोटरसाइकल चोरी भएको उजुरी गरे हामी खाेज्छौँ तर पाउने सम्भावना थोरै छ’, ट्राफिक प्रहरी महाशाखाका प्रमुख भीमप्रसाद ढकालले भन्नुभयो । उहाँका अनुसार महाशाखाले चोरी भएका मोटरसाइक तथा स्कुटी खोज्न विशेष टोली नै गठन गरेको छ तर पनि चोरी भएका मोटरसाइकल भेटिने सम्भावना कम हुन्छ ।
चोरी भएका मोटरसाइकलकाे नम्बर प्लेट परिवर्तन गरि गलत नम्बर राखेर चलाइरहेको अवस्थामा भेटिने गरिएकाे छ र मोटरसाइकलको हुलिया पनि परिवर्तन गरिएकाे हुन्छ ।
मोटरसाइकल सुरक्षाका लागि ट्राफिक प्रहरी महाशाखाका प्रमुख ढकालकाे सुझाव
मोटरसाइकल हराइ हालेमा के गर्ने ?
थापा उज्यालाेमा कार्यरत हुनुहुन्छ ।