‘भविष्यका सुन्दर सपना नबाँड’ भन्नु प्रतिगामी सोच हो : प्रम ओली

 फागुन ७, २०७६ बुधबार १९:४६:३२ | उज्यालो सहकर्मी
unn.prixa.net

काठमाण्डाै - प्रधानमन्त्री केपी शर्मा ओलीले प्रजातन्त्र दिवसका अवसरमा बुधबार पूर्वराजा ज्ञानेन्द्र शाहले दिएको अभिव्यक्ति प्रति व्यंग्य गर्नुभएको छ ।

चौथो निर्वाचन दिवसका अवसरमा निर्वाचन आयोगले आयाेजना गरेकाे कार्यक्रममा प्रधानमन्त्री ओलीले यस्ताे अभिव्यक्ति दिनुभएकाे हाे ।

केही मानिसहरुले ‘भविष्यका कुरा नगर, भविष्यका कुरा गरेर जनताको मनोबल नउठाउ’ भनेर अर्ति उपदेश दिएको भन्दै प्रधानमन्त्री अ‍ोलीले व्यंग्य गर्नुभयो ।

उहाँले भन्नुभयो, ‘केही मानिसले हामीलाई सल्लाह, सुझाव, अर्ति उपदेश के दिन खोजेको हो कुन्नि, यस्ताे सुनिन्छ । भविष्यका कुरा नगर, भविष्यतर्फ नहेर, भविष्यका सुन्दर सपना नबाँड, सुन्र भविष्यको कुरा गरेर जनताको मनोबल नउठाउ, विगततिर हेर भन्या सुनिन्छ । यो एउटा प्रतिगामी उद्देश्यसहितको सोचको प्रकटीकरण हो ।’

पूर्वजहरुको गौरवलाई सधैँ सम्मान गर्ने उल्लेख गर्दै ओलीले पूर्वजहरुका पौरख र उपलब्धिहरुको सम्मान गर्ने बताउनुभयो । ओलीले विगतका नकारात्मक कुराहरु पनि आफूले नबिर्सेको बताउनुभयो। दरबार हत्याकाण्ड, माघ १९ जस्ता काला उद्देश्य प्रकटीकरण भएका काला दिनहरु पनि सम्झिरहेको उल्लेख गर्दै ओलीले हाम्रो स्मरण शक्ति कमजोर छ भनेर नसोच्न आग्रह गर्नुभयो ।

चौथो निर्वाचन दिवसका अवसरमा निर्वाचन आयोगले आयाेजना गरेकाे कार्यक्रममा राष्ट्रपति विद्यादेवी भण्डारी, प्रतिनिधिसभा सभामुख अग्निप्रसाद सापकोटा राष्ट्रियसभाका अध्यक्ष गणेश तिमल्सिना र राष्ट्रिय मानवअधिकार आयोगका अध्यक्ष लगायतको सहभागिता रहेको थियो । 

अन्तिम अपडेट: बैशाख १६, २०७७

तपाईको प्रतिक्रिया