लाेकेश बमले शतक बनाए पनि नेपालकाे 'ए' टाेली आयरल्यान्ड–उल्भ्स...
चैत १६, २०८० शुक्रबार
काठमाण्डाै - १ सय ४४ मेगावाट क्षमताको कालिगण्डकी ए जलविद्युत आयोजना मर्मतको लागि ४ दिन बन्द हुने भएको छ ।
आज बेलुकी ९ बजेदेखि १२ गते सोमबार बिहान १० बजेसम्म उत्पादन बन्द गरेर आयोजना मर्मत गर्न लागिएको आयोजना निर्देशक पशुपतिराज गौतमले उज्यालोलाई जानकारी दिनुभयो । यसका कारण कोहरपुरदेखि दुहवीसम्मका १ सय ३३, ६६ र ३३ केभी सबस्टेशनबाट औद्योगिक फिडरमार्फत बिजुली आपूर्ति हुने क्षेत्रमा बिजुली अनियमित हुनसक्ने आयोजनाले जनाएको छ ।
१२ गतेसम्म आयोजना पूर्ण रुपमा बन्द गरेर भल्भ मर्मत गरिने र त्यसपछि भने विद्युत उत्पादन गर्दै रनर र डाइनामोको मर्मत गरिने उहाँले जानकारी दिनुभयो ।
आयोजनाबाट अहिले सुख्खायाममा पनि औसतमा ५६ मेगावाट बिजुली उत्पादन भैरहेको छ । कालिगण्डकी आयोजना सञ्चालनमा रहेकामध्ये देशकै सबैभन्दा ठूलो आयोजना हो ।