शेयर बजारको ओरालो यात्रा रोकिएन, आज साढे १९ अङ्कले घट्यो
बैशाख ६, २०८१ बिहिबार
जेठ ११ – बलिउडको बहुप्रतिक्षित चलचित्र ‘रेस ३’ आउँदो ईदको अवसरमा रिलिज हुँदैछ ।
यसैबीच पाकिस्तान सरकारले ईदको मौकामा घरेलु चलचित्रको प्रवद्र्धन गर्न बाहिरी चलचित्रलाई रोक लगाउने भएको छ । पाकिस्तानको सूचना तथा सञ्चार मन्त्रालय तथा सेन्ट्रल बोर्ड अफ् फिल्म सेन्सर्सले ईदको अवसरमा कुनै पनि हिन्दी फिल्म रिलिज नर्गन आदेश दिएको छ ।
पाकिस्तानी सरकारको तर्फबाट आएको आदेशमा लेखिएको छ, ‘स्थानीय चलचित्र उद्योगलाई प्रवद्र्धन तथा पुनरुत्थान गर्न संघीय सरकारले ईद–उल–फितर तथा ईद–उल–अजहा’ को मौकामा भारतीय चलचित्र रिलिज गरिने छैन । यो प्रतिबन्ध ईदभन्दा दुई दिन अगाडिदेखि ईदको दुई हप्तापछि सम्म लागू हुनेछ ।’ पाकिस्तानी सरकारको यो फैसलाले सलमान खानको फिल्ममा पनि असर पर्नेछ ।
Federal Govt has imposed restriction on the screening of Indian movies in Pakistani cinemas on the occasion of Eid ul Fitr & Eid ul Azha. To promote local film industry, cinemas in Pakistan would not be able to screen Indian movies 2 days before & 2 weeks after the Eid days. pic.twitter.com/mkRxuL29Np
— Danyal Gilani (@DanyalGilani) May 24, 2018
यो फैसलाले बलिउड उद्योग खासगरी सलमान खानलाई झट्का लाग्नेछ । पाकिस्तान बलिउड बजारको ठूलो हिस्सा हो । सलमान खान अभिनित चलचित्र ‘रेस ३’ ईदको अवसरमा रिलिज हुने भएकाले यसले पाकिस्तानबाट केही आम्दानी नगर्ने सम्भावना रहेको छ । ‘रेस ३’ पाकिस्तानमा पनि रिलिज हुने तयारीमा थियो । सलमानको ‘बजरंगी भाइजान’ ले पाकिस्तानमा पनि राम्रो व्यापार गरेको थियो ।
सलमान खानका अधिकांश फिल्म ईदको मौकामा रिलिज हुने गर्दछ । पाकिस्तानमा सलमानका धेरै फ्यान भएकाले पनि पाकिस्तानी सेन्सर बोर्डको फैसलाले उनलाई झट्का लागेको छ ।