कुवेतमा कर्फ्युको बेला अनलाइन विवरण भरेर पनि सामान खरिद गर्न सकिने

 जेठ ४, २०७७ आइतबार १९:५:३१ | उज्यालो सहकर्मी

काठमाण्डौ – कर्फ्युको समयलाई मध्यनजर गर्दै कुवेत सरकारले अनलाइनमा आवश्यक विवरण भरेर नजिकको बिक्री केन्द्रबाट खाद्यान्न खरिद गर्ने व्यवस्था गरेको छ ।

कर्फ्युको बेला बाहिर निस्किन जोखिम हुने भन्दै कुवेत सरकारले तोकेको वेबसाइटमा आवश्यक विवरण भरेर नजिकको बिक्री केन्द्रमा समय लिई सामान खरिद गर्न सकिने त्यहाँ रहेको नेपाली दूतावासले जनाएको छ ।

सुपरमार्केट तथा कोअपरेटिभ सोसाइटीमा समय लिनको लागि www.moci.shop मा गएर आवश्यक विवरण भर्न दूतावासले आग्रह गरेको छ । 

विवरणमा सिभिल आईडी नम्बर, सिभिल आईडी पछाडि रहेको सिरियल नम्बर, बसोबास गर्ने क्षेत्र, मोबाइल नम्बर, इमेल भरेर आफ्नो नजिकको सुपरमार्केट, कोअपरेटिभ सोसाइटी र उपयुक्त समय छनोट गर्नुपर्ने हुन्छ ।

विवरण भरिसकेपछि क्यूआर कोड प्राप्त हुने र आवश्यक पर्दा त्यही कोड देखाउनुपर्ने दूतावासले जनाएको छ ।

सिभिल आईडीमा  आफू बसोबास गर्ने क्षेत्र फरक परेमा my address doesn’t match my civil id भन्ने अप्सनमा क्लिक गरी PACI नम्बर हाल्न पनि दूतावसले सुझाएको छ ।

यस्तै कर्फ्यु अवधिभर मेडिकल केन्द्र तथा अस्पतालमा समय लिनुपरेको अवस्थामा https://curfew.paci.gov.kw/request/create वेबसाइटमा गई आवश्यक विवरण भरी समय लिन सकिने दूतावासले जनाएको छ ।

कुवेत सरकारले घोषणा गरेको आममाफीमा सहभागी भई अहिले विभिन्न क्याम्पमा  रहेका नेपालीहरूको अवस्थाबारे सम्बन्धित क्याम्पमा सम्पर्क गरी बुझ्ने कार्य गरिरहेको दूतावासको भनाइ छ ।

क्याम्पमा रहँदा स्वास्थ्यमा केही असहजता भएमा, खाना, पिउने पानी, सरसफाई लगायतका विषयमा थप केही गर्नुपर्ने भएमा क्याम्प व्यवस्थापन पक्षबाट त्यहाँ खटिएका कर्मचारीहरूसँग शिष्टतापूर्वक अनुरोध गर्न र अहिलेको परिस्थितिमा सबैले संयमित भई उच्च मनोबलका साथ सुरक्षित रहन दूतावासले आग्रह गरेको छ ।

कम्पनी क्षेत्रमा आवद्ध नेपालीहरूलाई खाने, बस्ने लगायतका समस्या भएमा आफ्नो कम्पनी व्यवस्थापनसँग कुराकानी गर्न तथा आफू बस्दै आएको बासस्थान नछोड्न पनि दूतावासको अनुरोध छ । 

कुवेतमा रहेका नेपालीहरुका समस्या समाधानका लागि आवश्यक सहयोग, सम्बन्धित निकायहरूसँग समन्वय तथा सहजिकरण गरिरहेको भन्दै त्यहाँ रहेको नेपाली दूतावासले तत्काल सम्बोधन गर्नुपर्ने समस्या भएमा दूतावासमा टिपाउन पनि आग्रह गरेको छ ।

दूतावासको टेलिफोन नम्बरहरूः २५३२१६०३, २५३२१६०४, २५३२१६०५ र हटलाइन नम्बरः ९८८६९१२१ मा फोन गरेर आफ्ना समस्या टिपाउन सकिने दूतावासले जनाएको छ ।

कुवेतमा गएको मे १० तारिखदेखि अबको मे ३० तारिखसम्म पूर्णकालीन कर्फ्यु लागू गरेको छ ।

याे पनि पढ्नुहाेस्

 

अन्तिम अपडेट: मंसिर ५, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

११ वटा एयरलाइन्सले हवाई भाडादरको विवरण बुझाए

२

कीर्तिपुर मैदानमा नयाँ डिजिटल स्कोर बोर्ड, दर्शकका लागि ‘फ्यान जोन’ र कुर्सीसहितको प्याराफिट

३

युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र हमास कमाण्डरविरुद्ध पक्राउ पुर्जी

४

बगेर खेर गइरहेछ भोटको नुन

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई