प्रचण्ड नेतृत्वकाे सरकारलाई निरन्तरता दिन एमाले तयार छ : महास...
बैशाख ७, २०८१ शुक्रबार
लमजुङ – लमजुङका किसानहरुले घुम्ती गाेठ (भेडीगोठ, भैंसीगोठ) बिस्तारै लेक सार्न थालेका छन् । चिसो मौसममा बेसी झरेका घुम्ती गोठहरु गर्मी मौसम सुरु भएसँगै लेक सार्न थालिएका हुन् ।
यतिबेला बेसीमा गर्मीका साथै पशुको लागि आवश्यक घाँसको अभाव हुने भएकाले घुम्ती गोठहरु किसानले लेकतिर सार्न थालेकाे भेटेरिनरी अस्पताल तथा पशु सेवा विज्ञ केन्द्र लमजुङका प्रमुख डाक्टर रुपेश श्रेष्ठले बताउनुभयो ।
'भदौ-असोजमा बेसी झरेका घुम्ती गोठहरु किसानहरुले चैत महिनादेखि नै माथि (लेक) सर्न थालेका छन्', उहाँले भन्नुभयो, 'तुलनात्मक रुपमा बेसीमा भन्दा माथिल्लो भेगमा चिसो हावापानी हुन्छ भने पशुको लागि घाँस पर्याप्त हुन्छ।'
घुम्ती गोठहरु झण्डै चार हजार मिटर उचाइसम्म पुग्छन् । उहाँका अनुसार लमजुङमा साना-ठूला गरी दुई सय भेडीगोठ र एक सय घुम्ती भैँसीगोठ गरी तीन सयको हाराहारीमा घुम्ती गोठहरु रहेका छन् । घुम्ती गोठबाट किसानहरुले वार्षिक लाखौँको आर्थिक कारोबार गर्छन् ।
'साना घुम्ती गोठको वार्षिक कारोबार ४-५ लाख र ठूला गोठको कारोबार वार्षिक २० लाखसम्म हुन्छ', उहाँले भन्नुभयो ।
श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।