गोदावरी नगरपालिकामा कालिमाटी, बल्खु र बानेश्वरका फलफूल तथा तरकारी निषेध

 जेठ ८, २०७७ बिहिबार १२:३६:५६ | रासस
unn.prixa.net

ललितपुर - गोदावरी नगरपालिका क्षेत्रमा कालिमाटी, बल्खु र बानेश्वरका बजारबाट फलफूल तथा तरकारी आयात गर्न निषेध गरिएको छ ।

कोरोना भाइरसको जोखिम हुन नदिन नगरपालिकाले उक्त तीन स्थानका फलफूल तथा तरकारी प्रयोग नगर्न नगरवासीलाई आग्रह गरेको हो ।
 
नगरप्रमुख गजेन्द्र महर्जनद्वारा जारी सूचनामा कालिमाटी, बल्खु र बानेश्वरबाट आउने फलफूल तथा तरकारी ल्याएर व्यापारीले बिक्री वितरण गरेको पाइएमा कडाभन्दा कडा कारबाही गरिने उल्लेख गरिएको छ ।

यसैगरी सूचनामा नगरपालिकाका सबै वडामा अत्यावश्यक खाद्यवस्तु बिक्री वितरणका लागि बिहान ५ देखि ११ बजेसम्मका लागि मात्र पसल खुला गर्नसमेत व्यवसायीमा अपिल गरिएको छ । 

अन्तिम अपडेट: चैत १४, २०८०

तपाईको प्रतिक्रिया