भारतमा लोकसभा चुनावको पहिलो चरणको मतदान शुरु
बैशाख ७, २०८१ शुक्रबार
डोटी – डाेटीकाे पूर्वी क्षेत्रमा पर्ने बोगटान फुड्सिल गाउँपालिका ६ सुनगडामा बा २ क २७३९ नम्बरको मिनीट्रक दुर्घटना हुँदा चार जना घाइते भएका छन् ।
जिल्ला प्रहरी कार्यालयका सूचना अधिकारी तथा प्रहरी निरीक्षक कर्णबहादुर बोहराका अनुसार गाउँपालिकामा निर्माणाधीन मौरासेन सेती हाइड्रोपावरमा काम गर्ने कामदार लिएर आउँदै गरेका मिनीट्रक दुर्घटना भएकाे हो ।
घाइते हुनेमा निर्माण व्यवसायीसमेत रहनुभएका बाँकेको राजापुर २ का ५० वर्षीय शान्त मल्ल, भारतको हससोलका ५५ वर्षीय किशोर सिंह, बाँकेको गुरुवा गाउँपालिका ५ बयलपुरका मिनीट्रक चालक ३० वर्षीय रमाल वाया र रामेछाप लिखु गाउँपालिका-६ का १९ वर्षीय भोजनारायण श्रेष्ठ रहेका छन् ।
घाइतेमध्ये मल्लको दाहिने खुट्टा भाँच्चिएको छ भने छातीमा गम्भीर चोट लागेको तथा सिंहको अवस्था गम्भीर रहेको जनाइएको छ । घाइते चारै जनालाई थप उपचारकाे लागि हेलिकप्टरमार्फत नेपालगञ्ज लगिएको निरीक्षक बोहराले बताउनुभयो । मिनी ट्रक सडकबाट झण्डै पाँच सय मिटर तल खोलामा खसेको हाे ।