‘झ्यालबाट फोटो’ प्रतियोगिता अन्तिम हप्तामा

जेठ ११, २०७७ आइतबार १५:४३:१४ | उज्यालो सहकर्मी

काठमाण्डौ – नेपाल पर्यटन बोर्डले आह्वान गरेको झ्यालबाट देखिने फोटो प्रतियोगितामा ५ सयभन्दा धेरैले सहभागिता जनाएका छन् ।

लकडाउनमा घर बसाइको समयलाई सिर्जनात्मक बनाउँदै आफ्नो ठाउँलाई प्रचार गर्ने उद्देश्यका साथ आह्वान भएको झयालबाट देखिने सुन्दर दृश्यको फोटो प्रतियोगितामामा ५ सयभन्दा धेरै फोटो प्राप्त भएको नेपाल पर्यटन बोर्डले जनाएको छ ।

प्रतियोगितामा नेपालको कुनै ठाउँको प्राकृतिक सौन्दर्य, संस्कृति, पर्यटन गतिविधि वा केही पनि सान्दर्भिक तस्बिरहरु अनलाइनबाट पठाउन सकिनेछ ।सहभागीहरुले आउदो जेठ १८ सम्म फोटोहरु पठाइसक्नुपर्नेछ ।

नेपाल पर्यटन बोर्डको फोटो अभियानको साइट https://photonepal.travel मार्फत प्रतियोगितामा सहभागी हुन सकिनेछ । उत्कृष्ट पाँच सहभागीहरुले जनही दश हजार रुपैयाँ नगद पुरस्कार प्राप्त गर्नेछन् ।

बोर्डका कार्यकारी प्रमुख डा. धनञ्जय रेग्मीले ‘उत्साहजनक सहभागिताले नेपालका विविधता सशक्त रुपमा प्रस्तुत गरिरहेको र अब बाँकी एक हप्तामा सहभागिताको सङ्ख्याले अर्को चरण पार गर्ने’ बताउनुभयो ।

सहभागिता सम्बन्धमा जानकारी https://photonepal.travel/blog/nepal-from-your-window मा रहेको छ । जेठ १९ देखि असार १ सम्म मन परेको फाेटाेलाई भोट गर्न सकिनेछ ।

यसका लागि https://photonepal.travel मा गएर मन परेको फोटो लाइक गर्न सकिन्छ । भोटिङ्गपछि विज्ञ सम्मिलित टोलीको निर्णायक समितिले विजेताहरुको घोषणा गर्नेछ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्