प्रचण्ड नेतृत्वकाे सरकारलाई निरन्तरता दिन एमाले तयार छ : महास...
बैशाख ७, २०८१ शुक्रबार
अछाम – अछाममा शनिबार थप एक जना महिलामा कोरोना भाइरसको सङ्क्रमण पुष्टि भएको छ ।
अछामको मङ्गलसेन नगरपालिका १ कुन्तिवण्डालिकी ५२ वर्षीया महिलाको पीसीआर रिपोर्ट पोजिटिभ आएकाे हाे । याेसँगै अछाममा कोरोना सङ्क्रमितको सङ्ख्या १३ पुगेको छ ।
सेती अञ्चल अस्पतालको प्रादेशिक प्रयोगशालामा गरिएको परीक्षणमा उहाँकाे पीसीआर रिपोर्ट पोजिटिभ आएको हो । उहाँसँगै अन्य आठ जनाको स्वाब सङ्कलन गरी सेती प्रादेशिक अस्पताल धनगढी पठाइएकोमा उनीहरुकाे भने रिपाेर्ट नेगेटिभ आएको स्वास्थ कार्यालय अछामका सूचना अधिकारी देव जोशीले बताउनुभयाे ।
उहाँलाई थप उपचारको लागि जिल्ला अस्पताल मङ्गलसेन ल्याइएको छ ।
अछाममा अहिले ६ हजार ६ सयभन्दा बढी नागरिक क्वरेण्टीनमा बसिरहेका छन् । भारतसहित देशको विभिन्न जिल्लाबाट आएका ६ हजार ६ सय २८ जना क्वरेण्टीनमा बसिरहेका हुन् । जिल्ला प्रशासन कार्यालयको शनिबारसम्मकाे तथ्याङ्क अनुसार आजसम्म पाँच हजार पाँच सय ५६ जना पुरुष र एक हजार ७२ जना महिला क्वरेण्टीनमा बसिरहेकाे सहायक प्रमुख जिल्ला अधिकारी एवं सूचना अधिकारी नन्दकिशोर यादवले बताउनुभयो ।
दिनहुँ अछाम भित्रनेकाे सङ्ख्या बढेसँगै क्वरेण्टीन पनि थपिँदै गएकाे उहाँले जानकारी दिनुभयाे । अहिलेसम्म आठ हजार आठ सय ८६ जना अटाउने गरी जिल्लामा दुई सय दुई क्वरेण्टीन स्थल बनाइसकिएको यादवले बताउनुभयो ।
जिल्ला अस्पताल र बयलपाटा अस्पतालमा गरी ३० शय्याकाे आइसाेलेशन भएकोमा अहिले १८ जना पुरुष र २ जना महिला आइसाेलेशनमा रहेका छन् ।
अछामका उज्यालो सहकर्मी चन्द्र थापा रेडियो रामारोशनमा पनि काम गर्नुहुन्छ ।