प्रचण्ड नेतृत्वकाे सरकारलाई निरन्तरता दिन एमाले तयार छ : महास...
बैशाख ७, २०८१ शुक्रबार
काठमाण्डाै – पर्सामा सांसद् प्रदीप यादवसहित ६४ जनामा कोरोना सङ्क्रमण भएको छ । पर्सा क्षेत्र नम्बर १ बाट निर्वाचित प्रतिनिधि सभाका सदस्य प्रदीप यादवसहित ६४ जनामा कोरोना सङ्क्रमण पुष्टि भएको नारायणी अस्पतालले जनाएको छ ।
सांसद् यादवका निजी चालक र सुरक्षाकर्मीमा पनि कोरोना पोजेटिभ देखिएको छ । यस्तै नारायणी अस्पतालकै एक चिकित्सकमा पनि संक्रमण पुष्टि भएको छ । सङ्क्रमितमध्ये ३ महिला र ६१ पुरुष छन् ।
वीरगञ्ज मिना बजार गहवा क्षेत्रको मात्रै ३० घर परिवारमा भन्दा धेरैमा सङक्रमण पुष्टि भएको हो । सङक्रमितको संख्या धेरै भएपछि पर्सामा यसअघि नै आइसोलेसनको अभावमा १ सय २६ जना सङक्रमित घरमै छन् । सबैभन्दा धेरै वीरगञ्जमा १ सय १८ जना अस्पताल बाहिर छन् ।
वीरगञ्जमा रहेको अस्थायी कोरोना अस्पतालमा भर्ना भएका धेरैजसोमा कोरोनाको लक्षण छ । यसैबीच सांसद यादवले सामाजिक सञ्जाल मार्फत आफूलाई कोरोना सङ्क्रमण भएको र आफू वीरगञ्ज राधेमाईमा आफ्नै घरमा आइसोलेसनमा बसेको जानकारी दिनु भएको छ ।