काठमाडौं – काठमाडौं उपत्यका आसपाससहित देशका धेरै ठाउँमा आजराति अझै ठूलो पानी पर्ने अनुमान मौसमविदले गरेका छन् । 

मनसुन सक्रिय भएकोले काठमाडौंसहित देशका धेरै ठाउँमा पानी परिरहेको मौसमविद मञ्जु बासीले जानकारी दिनुभयो । काठमाडौं उपत्यकासहित काभ्रे, सिन्धुली र मकवानपुरको आकाशमा बाक्लो बादल विकास भइरहेकाले राति ठूलो पानी पर्ने सम्भावना छ । 

अपडेट-१
श्रावण २१, दिनको २ः२० बजेः
हाल देशको मध्य भुभागमा पर्ने काठमाडौ, भक्तपुर,ललितपुर, काभ्रे, सिन्धुली र मकवानपुर जिल्ला लाई केन्द्र गरेर बाक्लो बादल बिकास भइ ठुलो वर्षा भइरहेकोले बागमती, रोसी, कमला र तिनका शाखा खोलाहरुमा आकस्मिक बाढीको संभावना छ। सतर्कताको लागि अपिल गरिन्छ। pic.twitter.com/5XU7t24tlb

— Nepal Flood Alert! नेपाल बाढी सूचना! (@DHM_FloodEWS) August 6, 2018

त्यसैले बाग्मती, रोशी, कमला र तिनका शाखा खोलामा ठूलो बाढी आउने सम्भावना रहेको बाढी पूर्वानुमान शाखाले जनाएको छ । शाखाले मध्य तराईका चुरेबाट बहने खोलामा पनि बाढीको सम्भावना रहेको बताएको छ ।

अपडेट-२
श्रावण २१, दिनको २ः३० बजेः
मध्य क्षेत्रको अलावा, हाल देशको प्रदेश २ को अधिकांश स्थान र प्रदेश ७ को उत्तरी दार्चुला क्षेत्रमा समेत ठुलो वर्षा भईरहेको छ। प्रदेश २ का चुरेबाट बहने खोलानालाहरुमा सतर्कता अपनाऔं।महाकालीको दार्चुला क्षेत्रमा पनि सतर्क रहौं। pic.twitter.com/cAJJGtF9hi

— Nepal Flood Alert! नेपाल बाढी सूचना! (@DHM_FloodEWS) August 6, 2018

यस्तै उत्तरी दार्चुलामा पनि ठूलो पानी परिरहेकाले महाकाली नदी आसपासमा पनि सतर्कता अपनाउन शाखाले भनेको छ । भोलिदेखि भने पानी पर्न कम हुने मौसमविद् मञ्जु बासीले जानकारी दिनुभयो ।