पश्चिम अफ्रिकाका केही देशमा पछिल्लो दुई सय वर्षयताकै धेरै गर्मी
बैशाख ६, २०८१ बिहिबार
‘खराब वातावरणीय कानून’ का कारण क्यालिफोर्नियाको डढेलोलाई नियन्त्रणमा ल्याउन समस्या भएको अमेरिकी राष्ट्रपति डोनाल्ड ट्रम्पले प्रतिक्रिया दिएका छन् ।
राष्ट्रपति ट्रम्पले डढेलो नियन्त्रणका लागि उचित ढंगले पानीको प्रयोग गर्न कानूनले रोकेकाले डढेलो नियन्त्रण गर्न समस्या भएको बताएका छन् ।
राष्ट्रपति ट्रम्पले ट्वीटरमा लेखेका छन् ‘क्यालिफोर्नियामा डढेलो दिनप्रतिदिन फैलिएको छ । यसलाई नियन्त्रणमा ल्याउन बातावरण कानून बाधक बनेको छ । आगो नियन्त्रणका लागि रूखहरू काट्न जरूरी छ तर वातावरण कानूनले यसलाई पनि रोक्छ ।’
California wildfires are being magnified & made so much worse by the bad environmental laws which aren’t allowing massive amounts of readily available water to be properly utilized. It is being diverted into the Pacific Ocean. Must also tree clear to stop fire from spreading!
— Donald J. Trump (@realDonaldTrump) August 6, 2018
उपलब्ध पानीलाई उचित रूपमा उपयोग गर्न सके आगो नियन्त्रणमा आउने उनको दाबी छ । क्यालिफोर्नियाको पानी ‘मूर्खतापूर्ण’ तरिकाले प्रशान्त महासागरमा लगिएकोले आगो निभाउन पानीको अभाव भएको र डढेलोले क्षति पुर्याएको उनले बताएका छन् ।
क्यालिफोर्नियामा विनासकारी डढेलोले वितण्डा मच्चाएको छ । डढेलोका कारण धेरै जनधनको क्षति भएको छ । विभिन्न १७ स्थानमा फैलिएको डढेलोे नियन्त्रणका लागि हजारौँ अग्नी नियन्त्रकले काम गरिरहेका छन् ।
एक हप्ता पहिले सरु भएको डढेलो अझै तातो, सुख्खा तथा तुफानी रूपमा फैलिइरहेको अन्तराष्ट्रिय सञ्चार माध्यमहरूले जनाएका छन् ।