प्रिमियर लिगमा आज राति आर्सनल र चेल्सी खेल्दै
बैशाख ११, २०८१ मंगलबार
रुकुम पूर्व – तीन दिनअघिबाट सुत्केरी बेथा सुरु भएकी रुकु्म पूर्वकी एक किशोरीको उद्धार गरिएको छ । जिल्लाको पुथाउत्तरगंगा गाउँपालिका –६, को विकट गाउँ मयाङकी १९ वर्षीया मालिका नेपालीलाई हेलिकप्टरमार्फत नेपालगञ्ज लिइएको छ ।
पहिलो बच्चाको आमा बन्न लागेकी मालिकालाई तीन दिनअघिबाट सुत्केरी बेथा सुरु भएको थियो । तर गाउँमा राम्रो स्वास्थ्य संस्था नहुँदा उपचार हुन सकेको थिएन् । स्थानीय मेडिकलमा सामान्य उपचार गरे पनि अवस्था गम्भीर बन्दै गएपछि आफन्तले प्रमुख जिल्ला अधिकारी मित्रलाल शर्मालाई खबर गरेका थिए ।
खबर पाएलगत्तै प्रजिअ शर्माले नेपाली सेनालाई आग्रह गरेर हेलिकप्टर बोलाएको बताउनुभयो । मालिकाको उद्धारको लागि पहिलो पटक गएको हेलिकप्टर प्रतिकुल मौसमका कारण अवतरण हुन नसकी सदरमुकाम रुकुमकोट फर्केको थियो ।
त्यसको आधा घण्टापछि फेरि रुकुमकोटबाट हेलिकप्टर मयाङ् अवतरण गराएर उनलाई नेपालगञ्ज पठाइएको प्रमुख जिल्ला अधिकारी शर्माले बताउनुभयो । बिरामीको आर्थिक अवस्था कमजोर भएका कारण सबै खर्च सरकारले नै व्यहोर्ने उहाँले बताउनुभयो ।