प्रचण्ड नेतृत्वकाे सरकारलाई निरन्तरता दिन एमाले तयार छ : महास...
बैशाख ७, २०८१ शुक्रबार
इंग्लिस प्रिमियर लिग फुटबलमा लिभरपुल विजयी भएको छ । आज भएको खेलमा वेस्टह्यामलाई ४–० को फराकिलो अन्तरले पराजित गरेको हो ।
लिभरपुलको जितमा साडियो मानेले २ गोल गर्दा मोहमद सलाह र ड्यानियल स्टरिजले एक एक गोल गरेका थिए । पहिलो हाफको १९ औं मिनेटमा मोहमद सलाहले लिभरपुलका लागि पहिलो गोल गरेका थिए । उनले एन्ड्रयू रोबर्टसनको पासमा गोल गरेका हुन् ।
यसैगरी पहिलो हाफको अतिरिक्त समयमा साडियो मानेले लिभरपुलको अग्रता दोब्बर पारे । मानेले जेम्स मिल्नरको पासमा गोल गर्दै पहिलो हाफमा २–० को अग्रता बनाए । यसैगरी मानेले नै ५३ औं मिनेटमा रोबर्टो फिरमिनोको पासमा गोल गर्दै ३–० को अवस्थामा पुर्याएका थिए ।
मोहमद सलाहलाई रिप्लेस गर्दै मैदान छिरेका ड्यानियल स्टरिजले टिमका लागि ८८औै मिनेटमा चौथो गोल गरेका थिए । आजै भएको अर्को खेलमा साउथह्याम्पटन र बर्नले भने गोलरहित बराबरीमा रोकिएका छन् ।