न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
काठमाडौं - महिन्द्रा टु ह्वीलर्स नेपालको लागि आधिकारिक बिक्रेता अग्नि मोटो इन्कले नयाँ विद्युतीय सवारी ई–अल्फा थ्रीह्वीलर ल्याएको छ । तराईका बुटबल, भैरहवा, लाहान तथा विराटनगरमा यस्तो विद्युतीय सवारी ल्याइएको हो ।
यो एकपटक चार्ज गरेपछि ८५ किलोमिटर सम्म गुड्न सक्दछ । २५ किलोमिटर प्रति घण्टाका दरमा कुद्न सक्ने क्षमता रहेको कम्पनीले जनाएको छ । १ हजार वाटको मोटर तथा कन्ट्रोलर भएको यस सवारीमा ४८ भोल्ट १२० ए एचको ब्याट्री लाग्दछ ।
कम्पनीका अनुसार यसमा धेरै भारबहन क्षमता, अधिकतम सुविधा रहेको छ । अन्य प्रतिस्पर्धी सवारीहरुको तुलनामा यो चढ्न र चलाउन अझ बढी सहज हुने पनि कम्पनीले जनाएको छ ।
सवारी शानको भरोसा महिन्द्राको भन्ने नाराका साथ बजारमा ल्याइएको यस सवारीको विशेषता भनेको शून्य उत्सर्जन रहेको छ । यो पूर्ण रुपमा वातावरण मैत्री तथा सुरक्षित सवारीको रुपमा रहने छ ।
सबै नयाँ इ अल्फामा कम्पनीले २ वर्षको वारेन्टी, ब्याट्रीमा ६ महिनाको वारेन्टी तथा ६ महिनासम्म निःशुल्क सर्भिसिङ्ग उपलब्ध गराएको छ ।
सन् १९९१ मा नेपालमा स्थापना भएको अग्नि ग्रुप प्रा.लि अन्तर्गत अग्नी इन्कर्पोरेटेड प्रा.लि., अग्नि इनर्जी प्रा.लि., अग्नि मोटोइन्क प्रा.लि., बालाजू अटो वक्र्स प्रा.लि.रहेका छन् ।