बैतडीमा बौलाहा स्यालको टोकाईबाट एकैदिन तीन जना घाइते

 भदौ ६, २०७५ बुधबार १६:३:३१ | जयराज अवस्थी

बैतडी – बैतडीको पाटन नगरपालिका विभिन्न वडामा बौलाहा स्यालले आतंक मच्चाउन थालेको छ । 

नगरपालिकाको वडा नम्बर ६ लोर्खामा बौलाहा स्यालको टोकाइबाट एकैदिन तीनजना घाइते भएका छन् । घाइते हुनेमा दमन्ती जोशी, विन्दा जोशी  र नरेन्द्र भण्डारी रहुनुभएको छ । घरमै बसिरहेका बेला उनीहरुलाई स्यालले टोकेको स्थानीय रामसिंह बिष्टले बताउनुभएको छ । 

स्यालहरुले गाउँघरमै पसेर टोक्न थालेपछि स्थानीय नागरिक त्रसित बनेका छन् । प्राथमिक स्वास्थ्य केन्द्र पाटनमा रेबिजविरुद्धको भ्याक्सिन नहुँदा घाइतेहरुलाई उपचारका लागि डडेल्धुरा लगिएको छ । 

अन्तिम अपडेट: असोज २८, २०७५

जयराज अवस्थी

उज्यालाेका बैतडी स‌ंवाददाता जयराज अवस्थीलाई फेसबुकमा भेट्न सकिन्छ ।

तपाईको प्रतिक्रिया