भारतमा लोकसभा चुनावको पहिलो चरणको मतदान शुरु
बैशाख ७, २०८१ शुक्रबार
बैतडी – बैतडीका स्थानीय तहहरुले अझैसम्म पनि आफ्नो वास्तविक खर्च विवरण बुझाएका छैनन् ।
कोष तथा लेखा नियन्त्रण कार्यालयमा उनीहरुले खर्च विवरण बुझाउनुपर्ने नियम रहे पनि अहिलेसम्म कुनै स्थानीय तहले नबुझाएको कोष तथा लेखा नियन्त्रण कार्यालय बैतडीले जनाएको छ ।
कोष तथा लेखा नियन्त्रण कार्यालयबाट गएको रकमको खर्च विवरण बुझाएको भए पनि स्थानीय तहहरुले आफ्नो वास्तविक खर्च भने बुझाउन नसकेको कोष तथा लेखा नियन्त्रण कार्यालयका प्रमुख वासुदेव जोशीले बताउनुभयो । कार्यालय प्रमुख जोशीका अनुसार साउन मसान्तसम्म स्थानीय तहहरुले आफ्नो खर्च विवरण बुझाइसक्नुपर्ने थियो ।
तर अहिलेसम्म पनि खर्च विवरण नबुझाएकोले एक हप्ताको समय सँगै फारमको नयाँ ढाँचा सबै स्थानीय तहहरुलाई दिएको कार्यालय प्रमुख जोशीले बताउनुभयो । जोशीका अनुसार सबै स्थानीय तहहलाई भदौको पहिलो हप्ताभित्र सबै खर्च विवरण बुझाउन भनिएको छ । स्थानीय तहका प्रमुख तथा प्रतिनिधिहरुले पनिखर्च एक हप्तासम्म बुझाउने बताएका कार्यालय प्रमुख जोशीले बताउनुभयो ।