सामान्य बन्दै महेन्द्रनगर, कर्फ्यु हटेपछि चहलपहल बढ्दै

 भदौ १२, २०७५ मंगलबार ९:१५:२७ | दुर्गा उपाध्याय
unn.prixa.net

कञ्चनपुर – कञ्चनपुरको महेन्द्रनगर सामान्य बन्दै गएको छ । पाँच दिनदेखि जारी कर्फ्यु जिल्ला प्रशासन कार्यालयले मंगलबार बिहानदेखि हटाएपछि जनजीवन सामान्य बन्दै गएको हो ।

प्रशासन कार्यालयले गएको शुक्रबारदेखि पटक पटक गरी लगाएको कर्फ्यु आदेश मंगलबार बिहान ५ बजेदेखि अर्को आदेश जारी नभएसम्मका लागि हटाएको महेन्द्रनगरका प्रमुख जिल्ला अधिकारी तारानाथ अधिकारीले जानकारी दिनुभयो ।

कफ्र्यू हटेसँगै महेन्द्रनगर बजारमा चहलपहल बढ्दै गएको छ । कर्फ्युका कारण गएको शुक्रबारदेखि बन्द रहेका शैक्षिक संस्था आजदेखि खुलेका छन् । पसल खुलेका छन् भने गाडी पनि चल्न थालेका छन् । 

१३ बर्षकी निर्मला पन्तको बलात्कार पछि हत्या गर्नेलाई कारबाही माग गर्दै आन्दोलन चर्किँदा स्थानीय प्रशासनले सदरमुकाम आसपासका क्षेत्रमा गएको शुक्रबारदेखि कर्फ्यु आदेश जारी गर्दै आएको थियो । 

अन्तिम अपडेट: असोज २६, २०७५

दुर्गा उपाध्याय

कञ्चनपुरका उज्यालो सहकर्मी दुर्गा उपाध्यायलाई फेसबुकमा भेट्न सकिन्छ ।

तपाईको प्रतिक्रिया