यातायात व्यवसायी महासंघका महासचिव सिटौला पक्राउ

 बैशाख २१, २०७५ शुक्रबार १४:४३:४३ | उज्यालो सहकर्मी
unn.prixa.net

काठमाडौं, वैशाख २१ – नेपाल यातायात व्यवसायी राष्ट्रिय महासंघका महासचिव सरोज सिटौला पक्राउ पर्नुभएको छ । 

महासंघको शुक्रबार घर ग्यारेजमा सवारी थन्काउने कार्यक्रम थियो भने गृहमन्त्री रामबहादुर थापाले यातायात सेवा ठप्प पार्ने व्यवसायीहरुलाई पक्राउ गर्ने आदेश दिनुभएको थियो ।

उहाँलाई रिपोर्टर्स क्लब नेपालको साक्षात्कार कार्यक्रममा भाग लिन आउँदा क्लबको कार्यालय परिसरबाटै पक्राउ गरिएको हो ।

सादा पोशाकमा आएका प्रहरीले सिटौलालाई पक्राउ गरेर महानगरीय प्रहरी परिसर टेकुमा लगेको छ । क्लबमा आउनुअघि उनले क्लबका अध्यक्ष ऋषि धमलालाई टेलिफोन गरेर पक्राउ पर्ने सम्भावना भएकाले कार्यक्रममा आउँ कि नआउँ भनेर सोधेका थिए । 

सरकारी निकायका सरोकारवाला पनि साक्षात्कारमा आउने जानकारी पाएपछि उहाँ रिपोर्टर्स क्लबमा जानभएको थियो ।

अन्तिम अपडेट: कात्तिक ६, २०७५

तपाईको प्रतिक्रिया