सडक खन्दै गरेको एक्साभेटरमा आगजनी

 जेठ १९, २०७५ शनिबार ९:१७:२७ | सन्तोष थापा

पर्वत, जेठ १९ – पर्वतको फलेवास नगरपालिकामा बाटो खन्दै गरेको एक्साभेटरमा अज्ञात समूहले आगो लगाएका छन् ।

शुक्रबार राति ११ बजेको समयमा फलेवास नगरपालिका–५, खानीगाउँमा सडकमा रोकेको कुश्मा कन्ट्रक्सन प्रा.लि.को एक्साभेटरमा आगो लगाइएको हो ।

पेट्रोल खनाएर एक्साभेटरमा आगो लगाएको पाइएको प्रहरीले जनाएको छ । आगालागीबाट एक्साभेटर पूर्णरुपमा क्षति भएको छ । फलेवास नगरपालिकाका प्रमुख पदमपाणि शर्माले राति ११ बजे अज्ञात व्यक्तिले एक्साभेटरमा आगो लगाएको बताउनुभयो ।

जैमिनीघाटबाट बाटो चक्लाबन्दी गर्दै झकलाकसम्म पुर्याएर रोकिराखेको एक्साभेटरमा आगो लगाइएको हो । फलेवास नगरपालिकाले प्रदेश राजधानीसम्म जोड्नका लागि फलेवासबाट सडकलाई ११ मिटर फराकिलो बनाउने कार्य गरिरहेको छ । 
 

अन्तिम अपडेट: चैत ११, २०८०

सन्तोष थापा

पर्वतका उज्यालो सहकर्मी सन्तोष थापा त्यहाँको स्थानीय पत्रिकामा पनि काम गर्नुहुन्छ । 

तपाईको प्रतिक्रिया