कतारका राजा काठमाण्डाैमा, विमानस्थलमा भव्य स्वागत
बैशाख ११, २०८१ मंगलबार
पर्वत –अनौठो सर्प गाउँमा पसेपछि यहाँको एक गाउँका स्थानीयवासी त्रसित बनेका छन् ।
पर्वत जिल्लाको कुश्मा नगरपालिका–१० पिपलटारीस्थित सिमखेतमा यस क्षेत्रमा अहिलेसम्म नदेखिएको सर्प अर्को सर्पलाई खाँदै गरेको अवस्थामा देखिएको हो । साना र सामान्य खालका सर्पमात्र देखिने गरेको पर्वतमा ठूलो प्रजातिको सर्प गाउँमा पसेर पशुचौपायालाई समेत आक्रमण गर्न थालेपछि स्थानीयवासी त्रसित बनेका हुन् । सर्पले दुईवटा भैँसी र एक गोरुलाई समेत घाइते बनाएको थियो ।
झण्डै साढे चार मिटर लम्बाइ रहेको कालो रङ्गको सर्प शनिबार दिउँसो देखिएको थियो । स्थानीय युवा राजेश सुवेदीका अनुसार ठूलो सर्पले अर्को सर्पलाई झण्डै चार घण्टा लगाएर खाएको थियो । त्यसलगत्तै झाडीमा पसेको सर्प फेरि देखिएको छैन ।
गाउँमा अहिलेसम्म यत्रो ठूलो सर्प नदेखिएको र त्यसले अर्को सर्पलाई पनि खाएका कारण स्थानीय उक्त सर्पले बालबालिका र चौपायालाई पनि आक्रमण गर्छ की भन्ने डरले पिरोलिएका छन् ।
उनीहरुले उक्त सर्पको खोजी गरी नियन्त्रण गरिदिन जिल्ला वन कार्यालयलगायत प्रहरी प्रशासनसँग माग गरेका छन् । विषालु सर्प गाउँमा भित्रिएपछि जुनसुकै बेला पनि मानिस र पशु चौपायालाई आक्रमण गर्नसक्ने खतरा बढेको भन्दै नियन्त्रणका लागि माग गरिएको स्थानीय रामचन्द्र सुवेदीले बताउनुभयो । स्थानीयले अजिङ्गर हो कि भन्ने अनुमानसमेत गरेका छन् ।
यसअघि यस्तै प्रजातिको सर्प पर्वतको कुश्मा नगरपालिका–१२ ठूलीपोखरीमा पनि भेटिएको थियो ।
Krp
June 19, 2020, 6 p.m.चार घण्टा लगाएर अर्को सर्प खाएको देख्नेले फोटो खिच्न सकेन त ??
Khemnath Dhakal
May 31, 2020, 6:06 a.m.कालाे जातकाे गाेमन सर्प हाे पुर्बि भारत,बर्मा,मलेसिया,थाईलेन्ड,फिलिपिन्स,ईन्डाेनेसिया, नेपाल कै तराई ती हुन्छ ,मार्नु हुदैन । ब्याक माम्बा जातकाे हाे ।
Ramprasad Poudyal
May 15, 2020, 12:01 p.m.गोमन प्रजातिका सर्प र धामन्ले सर्प खानी गर्छन।यिनिहरुले पहिला टाउको र पछि ढाड खाने गर्छन।मानिस नजिक पुग्दा आवाज दिने गर्छ।