काठमाडौं – गृहमन्त्री रामबहादुर थापाले सदनमा उठेका प्रश्नको समयमै रिपोर्टिङ गर्न नसकेको प्रति आत्मालोचना गर्नुभएको छ । सदनमा उठेका कुरामा गृहमन्त्रालयले समयमै रिपोर्टिङ गर्न खोजेको भए पनि विभिन्न कारणले नसकेको भन्दै उहाँले आत्मालोचना गर्नु भएको हो ।  

राष्ट्रियसभामा सांसदहरुले उठाएको प्रश्नको जवाफ दिँदै सदनमा उठेका जिज्ञासाको जवाफ विभिन्न कारणले समयमै दिन नसकेकोमा कमजोरिको रुपमा लिने हो भने म आत्मालोचना गर्न चाहन्छु, उहाँले भन्नुभयो । 

कन्चनपुरकी १३ वर्षीया बालिका निर्मला हत्या प्रकरणमा गृहमन्त्रालय गम्भीर रहेको र अनुसन्धानलाई पनि गम्भीर रुपमा अगाडि बढाइरहेको बताउनुभयो ।  छिट्टै नै अपराधिलाई कानुनी कठघरामा ल्याइने प्रष्ट पार्दै उहाँले उच्चस्तरीय छानविन आयोगले गम्भीर भएर काम गरिरहेको बताउनुभयो ।