प्रिमियर लिगमा आज राति आर्सनल र चेल्सी खेल्दै
बैशाख ११, २०८१ मंगलबार
बाँके – कञ्चनपुरकी १३ वर्षीया बालिका निर्मला पन्तको बलात्कारपछि हत्या गरिएको घटनामा संलग्नलाई पक्राउ गर्नुपर्ने माग गर्दै आइतबार नेपालगञ्जमा सिठ्ठी फुकेर बिरोध प्रर्दशन गरिएको छ ।
निर्मलाका निम्ति न्याय अभियानको आह्वानमा बाँकेमा प्रदर्शन भएको हो । प्लेकार्डसहित उपस्थित भएका नागरिक समाजका अगुवाहरुले सिठ्ठी फुकेर बिरोध प्रदर्शन गरेका छन् । न्यायको खडेरी परेको भन्दै प्रतिकात्मक रुपमा सिठ्ठी फुकेर बिरोध प्रर्दशन गरिएको आयोजकहरुले जनाएका छन् ।
कार्यक्रमका सहभागीहरुले निर्मला पन्त लगायतका यौन हिंसामा परेका घटनाहरुमा यथाशीघ्र दोषी पत्ता लगाई हदैसम्मको सजाय दिलाउन, पीडितलाई न्यायको अनुभूति दिलाउन र प्रत्येक महिलाको सुरक्षाको उचित प्रबन्ध गर्न गराउन नेपाल सरकार लगायत सम्बन्धित निकाय र अधिकारीको ध्यानाकर्षण गराएका छन् ।
सोमबार र मंगलबार सामाजिक सञ्जाल मार्फत घटनाको बिरोध गर्ने आयोजकहरुले जनाएका छन् ।