अमेरिकामा दोस्रो पटक सुँगुरको मिर्गाैला जीवित मानिसमा प्रत्या...
बैशाख १३, २०८१ बिहिबार
काठमाडौं – थ्रीस्टार क्लबका मिडफिल्डर विक्रम लामा उपचारको अन्तिम थेरापीको लागि थाइल्याण्ड जाँदैछन् ।
बुढासुब्बा गाेल्डकपका दौरान खुट्टा भाँचिएका विक्रम अहिले पूर्ण रुपमा फिट भएका छन् । तर कन्ट्याक्ट खेलका लागि तयार हुन सकेका छैनन् । उनी अहिले फुटबलको सामान्य प्रशिक्षण गरिरहेका छन् । नेपालमा उनलाई खेल्नका लागि फिट भएको चिकित्सकले बताइसकेका छन् । तर थाइल्याण्डमा उनले थप परिक्षण गराएपछि खेल्ने वा नखेल्ने निश्चित हुनेछ ।
थाइल्याण्डमा तीनवटा रिह्याब परीक्षण गर्नेछन् । ‘नेपालमा मलाई पूर्ण रुपमा फिट भएको रिपोर्ट दिइएको छ । तर प्रतिस्पर्धात्मक खेलका लागि तयार छु की छैन भन्ने थाइल्याण्ड गएपछि तय हुनेछ’, विक्रमले भने ।
सहिद स्मारक ए डिभिजन लिग आगामी असोज १३ देखि सुरु हुँदैछ । लिगको दोस्रो हप्तासम्मा मैदानमा फर्किने विश्वास विक्रमको छ ।