दाङमा आगलागी हुँदा एक जनाको ज्यान गयो
बैशाख ७, २०८१ शुक्रबार
बाँके – सशस्त्र द्वन्दकालमा बेपत्ता भएका परिवारका घरमुली फर्केर आउने आशा मारेर बाँकेमा एक परिवारले कुशको प्रतिमा बनाएर अन्त्येष्टि गरेका छन् ।
१५ वर्षअघि तत्कालीन विद्रोही माओवादीले अपहरण गरेका राप्ती सोनारी गाउँपालिका २ अगैयाका लालबहादुर डांगीको परिवारले शुक्रबार राप्ती नदीको अगैयाघाटमा अन्त्येष्टि गरेका हुन् ।
तत्कालीन नेकपा एमालेका स्थानीय अगुवा कार्यकर्ता रहेका डांगीलाई २०६० साल असोज २ गते राति १ बजे तत्कालीन विद्रोही माओवादीले घरबाटै अपहरण गरेर लगेको परिवारले बताएका छन् ।
बुवाको अपहरण हुनासाथ वर्षौसम्म खोजी गरेको बताउँदै छोरा प्रेम प्रकाशले १५ वर्षको अवधीमा परिवारमा मानिसक तनावले सबै सदस्य प्रभावित भएको बताउनुभयो ।
लालबहादुरकी पत्नी र दुई छोरा क्रियामा बसेका छन् । हिन्दु धर्म अनुसार १३ दिनसम्म धार्मिक क्रिया गरिने डांगी परिवारले जनाएको छ ।
डांगी परिवारले सरकारले निर्णय गरे अनुसारको सम्पूर्ण राहत रकम प्राप्त गरेको बताएका छन् । राप्ती सोनारी गाउँपालिका वडा नम्बर २ का अध्यक्ष मदन वलीले डांगीको अन्त्येष्टिमा गाउँका अधिकांश मलामीको रुपमा सहभागी भएको बताउनुभयो ।