बलिउडका अभिनेता तथा निर्देशक राज कपूरकी श्रीमती कृष्णाराज कपूरको निधन

 असोज १५, २०७५ सोमबार ११:४८:४१ | उज्यालो सहकर्मी
unn.prixa.net

बलिउडका दिग्गज अभिनेता एवम् निर्देशक राज कपूरकी श्रीमती कृष्णाराज कपूरको सोमबार निधन भएको छ । ८७ वर्षीया कृष्णाराज कपूर लामो समयदेखि स्वास्थ्य खराब भएका कारण उनलाई अस्पतालमा भर्ना गरिएको थियो । 

उनको निधनको खबरले बलिउड अहिले शोकमा डुबेको छ । उनको सोमबार बिहान ५ बजे निधन भएको हो । अभिनेत्री रविना टण्डनले ट्वीटरमार्फत कपूरको निधनको खबर दिएकी थिइन् । 

छोरा रणधिर कपूरले आमा कृष्णाको ‘कार्डियक अरेस्टका कारण निधन भएको र आफूलगायत सम्पूर्ण परिवार शोकमा डुबेको बताएका छन् । 

अभिनेता राज कपूरले सन् १९४६ मा कृष्णाराज कपूरका साथ विवाह गरेका थिए । उनका तीन छोरा ऋषि कपूर, रणधिर कपूर र राजिव कपूर छन् त्यस्तै २ छोरी रितु नन्दा र रीमा कपूर छन् । 
 

अन्तिम अपडेट: चैत ३, २०८०

1 Comments

  • आत्मा पौडेल

    Oct. 1, 2018, 2:53 p.m.

    हार्दिक श्रद्धाञ्जली !!

  •  0 Reply

तपाईको प्रतिक्रिया