मकवानपुर – तेल बोक्ने ट्यांकरबाट अवैध रुपमा भारत निकासी गर्न लागिएको ठूलो परिणामको गाँजासहित प्रहरीले एक जनालाई पक्राउ गरेको छ ।

जिल्ला प्रहरी कार्यालय मकवानपुरले २ सय ९५ किलो गाँजासहित एक जनालाई पक्राउ गरेको हो । गाँजा ओसारपसार भएको भन्ने सूचना प्राप्त गरेपछि लागुऔषध प्रहरी व्युरो काठमाडौंबाट आएको प्रहरीले मकवानपुरको मनहरीबाट गाँजासहित एक जनालाई पक्राउ गरेको जिल्ला प्रहरी कार्यालय मकवानपुरका प्रहरी नायव उपरीक्षक नरेशकुमार सिङले बताउनुभयो ।

चितवनबाट हेटौडा आउँदै गरेको ना ४ ख ३९६९ नम्बरको ट्यांकरलाई रोकेर चेकजाँच गर्दा ट्यांकरको तेल राख्ने १ नम्बर चेम्बरमा ७ पोका २ नम्बर चेम्बरमा १५ पोका गरी २ सय ९५ किलो लागुऔषध गाँजा फोला परेको प्रहरीले जनाएको छ ।

ट्याङकर र ट्याङकर चालक बारा जितपुर सिमरा उपमहानगरपालिका २२ अमलेखगञ्ज बस्ने ३८ वर्षका प्रहलादबहादुर ठकुरीलाई प्रहरीले पक्राउ गरेको छ ।