न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
संखुवासभा – चुनावबाट हार ब्यहोरेको नेपाली कांग्रेस अब नयाँ ढंगले अघि बढेको कांग्रेसका केन्द्रीय सदस्य तथा प्रतिनिधिसभाका सांसद डा. डिला संग्रौलाले बताउनु भएको छ ।
शुक्रबार संखुवासभाको सदरमुकाम खाँदबारीमा नेपाल प्रेस यूनियन संखुवासभाले आयोजना गरेको पत्रकार भेटघाट कार्यक्रममा सांसद संग्रौलाले यस्तो बताउनुभएको हो ।
स्थानीय तह र संघीय चुनावमा हार ब्यहोरेपछि नेपाली कांग्रेसले जागरण अभियान अन्तर्गत कदम अगाडि बढाएको बताउँदै संग्रौलाले पाँच ओटा ‘स’ बाट कांग्रेस रुपान्तरण हुने बताउनुभयो ।
पाँच ओटा ‘स’ को अर्थ नेपाली कांग्रेसले सदनमा सशक्त प्रतिपक्षको भूमिका निर्वाह गर्ने, संवाद र सहमतिका काम गर्ने, त्यो नभए सडक तताउने र त्यो पनि नभए सत्याग्रह गर्ने उहाँको भनाई थियो ।
नेपाली कांग्रेस लोकतान्त्रीक पार्टी भएकाले पहिलो चरण अन्तर्गत संसदमा सशक्त प्रतिपक्षको भूमिका निभाउने उहाँले बताउनुभयो । अब सरकारको आलोचना गर्न सुरुवात भएको उहाँको भनाई छ ।
‘सरकारको राम्रो कामको प्रशंसा गदै नराम्रो कामको आलोचना गर्ने प्रतिपक्षको धर्म हो’, उहाँले भन्नुभयो, ‘तर अहिले सरकारले दण्डहिनता बढाएको, शान्ति सुरक्षा दिन नसकेको र मूल्यवृद्धि चरम उत्कर्षमा पुग्दा समेत नियन्त्रण गर्न सकेको छैन् ।’
‘सरकारमा दुई तिहाईको दम्भमा अघि बढेको छ । स्थानीय तहमा नागरिकको ढाड सेक्ने गरी कर बढाउँदा समेत सरकार टुलुटुलु हेरेर बसेको छ । ३३ केजी सुनकाण्डको मुख्य दोषि अझै पत्ता लगाउन सकेको छैन । यातायातको सेण्डिकेट हटाउन सकेको छैन’, उहाँले भन्नुभयो, ‘सरकारले नालायकपना देखेर नागरिकहरुको विश्वास र भरोसा टुट्न थालेको छ ।’
संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।