भारतले नेपाली चियाको निर्यात रोक्यो, गम्भीर सङ्कट निम्तिने चिय...
बैशाख ८, २०८१ शनिबार
भारतीय जनता पार्टी(बीजेपी) का सांसद साक्षी महाराजले कांग्रेस अध्यक्ष राहुल गान्धीलाई खुला चुनौती दिएका छन् ।
साक्षी महाराजले राहुल गान्धी आफूसँगै उन्नावबाट चुनाव लड्न आग्रह गर्दै जो हार्छ उसले राजनीति छाड्नु पर्ने बताएका छन् ।
साक्षी महाराजले आजतकसँग कुरा गर्दै भने, ‘राहुल गान्धी उन्नाव आएर चुनाव लडून् । उनलाई खुला च्यालेन्ज भयो । म हारे भने राजनीति छोडिदिन्छु, उनी हारे भने इटाली जाऊन् ।’
साथै साक्षी महाराजले यस पटकको चुनावमा राहुल गान्धी जहाँबाट उठे पनि नजित्ने दावी गरेका छन् ।
साथै राम मन्दिरको मुद्धामा साक्षी महाराज भन्छन्, ‘राम मन्दिर बनिसकेको छ । भलै सानो होस् । अब विश्वको कुनै पनि तागतले मस्जितदको नाममा त्यहाँ एउटा इँटा पनि राख्न सक्दैन ।’
उनले २०१९ को लोकसभा चुनाव अगाडि नै अयोध्यामा राम मन्दिरको निर्माण सुरु हुने बताएका छन् ।
साक्षी महाराज २०१४ को लोकसभा चुनावमा उत्तर प्रदेशको उन्नावबाट सांसदमा निर्वाचित भएका थिए । त्यस्तै उनी यसअघि सन् १९९१ मा मथुरा, १९९६ र १९९८ मा फरुख्खाबादबाट लोकसभामा निर्वाचित भएका थिए ।
उनी पटक–पटक आफ्ना विवादित अभिव्यक्तिका कारण चर्चामा आइरहन्छन् ।