महोत्तरीका मटिहानीमा ६ घण्टापछि आगो नियन्त्रणमा
बैशाख १३, २०८१ बिहिबार
बाँके – राष्ट्रिय गौरवको सिक्टा सिँचाई आयोजनाको पूर्वी नहर निर्माणमा ढिलाई भएको छ ।
५३.५ किलोमिटर पूर्वी नहरको निर्माण कार्य २८ महिनाभित्र सम्पन्न भइसक्नुपर्ने सम्झौतामा उल्लेख भए पनि एक वर्षको अवधिमा करिब १० प्रतिशतको हाराहारीमा मात्रै निर्माण कार्य सम्पन्न भएको आयोजनाले जनाएको छ ।
कालिका कन्स्ट्रक्सन र कुमार जेभीले दुई अर्ब ६३ करोड रुपैयाँमा ठेक्का लिएर काम गरिरहेको सिक्टा सिँचाई आयोजनामा सिनियर डिभिजनल इञ्जिनियर प्रकाशबहादुर कार्कीले जानकारी दिनुभयो ।
पूर्वी नहर राजकुलो र फत्तेपुर सिँचाईमा जोडिने भएको छ । यसबाट राप्तीनदी पूर्वका राप्तीसोनारी गाउँपालिकाको ९ हजार हेक्टर खेतियोग्य जमिनमा सिँचाई सुविधा पु¥याउने लक्ष्य राखिएको छ ।
सिक्टा सिँचाई आयोजनाले मूलनहर निर्माणस्थलमा वनजङ्गल भएको लगायतका कारणले सुरुवातमा ढिलाई भए पनि अब भने कामले तीव्रता पाउने आयोजनाको दावी छ ।
हाल अगैया नजिकै मूलनहर निर्माणको कार्य अघि बढाइएको छ । १४.७ क्युमेक क्षमताको पूर्वी मूलनहर अन्तर्गत ९ वटा शाखा नहर रहेकोमा हाल राजकुलो र फत्तेपुरको मात्रै निर्माण सुरु भएको छ ।