मालपोतको राजश्व स्थानीय तहको खातामा

 कात्तिक १९, २०७५ सोमबार २०:२४:५९ | गोविन्द शर्मा
unn.prixa.net

बाँके – भूमि सुधार तथा मालपोत कार्यालय बाँकेमा भएको जग्गाको रजिष्ट्रेसनको झण्डै ६ करोड रुपैयाँ बाँकेका स्थानीय तहलाई वितरण गरिएको छ ।

भूमि सुधार तथा मालपोत कार्यालय बाँकेमा भएको रजिष्ट्रेसनको आधारमा जिल्लामा रहेका स्थानीय तहले साउनदेखि असोजसम्मको न्यूनतम तीन लाख ३४ हजारदेखि अधिकतम  तीन करोड २८ लाख रुपैयाँ गरी  पाँच करोड ८६ लाख ३८ हजार ८ सय ६१ रुपैयाँ वितरण गरिएको प्रमुख मालपोत अधिकृत प्रेम दौल्यालले जानकारी दिनुभयो ।

भूमि सुधार तथा मालपोत कार्यालय बाँकेका प्रमुख मालपोत अधिकृत प्रेम दौल्यालका अनुसार चालु आर्थिक वर्षको साउनदेखि असोज मसान्तसम्म  रजिष्ट्रेशनबाट ९ करोड ७७ लाख ३१ हजार ४ सय ३५ रुपैयाँ राजश्व जम्मा भएको छ ।

राजश्वको बाँडफाँड अनुसार रजिष्टे«शसन बापत जम्मा हुने रकममध्ये ६० प्रतिशत स्थानीय तह र ४० प्रतिशत प्रदेशको संचित कोषमा दाखिला गर्नुपर्ने व्यवस्था रहेको छ । 
 

अन्तिम अपडेट: फागुन १८, २०७५

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।  

तपाईको प्रतिक्रिया