बोक्सीको आरोपमा फेरि कुटिइन् राधा चौधरी

 कात्तिक २२, २०७५ बिहिबार १६:२४:३१ | निर्मला खडायत
unn.prixa.net

फाइल फाेटाे

कैलाली – कैलालीको घोडाघोडीकी राधा चौधरी बोक्सीको आरोपमा फेरि पनि कुटिएकी छिन् । 

घोडाघोडी नगरपालिका –५, देउकलियाकी राधालाई स्थानीयबासी २८ वर्षीय कालीचरण चौधरीले हिजा बेलुकी बेलुका कुटपिट गरेका हुन् । 

रक्सीले मात्तिएका कालीचरणले पहिले राधालाई गाली गरेको र त्यसपछि कुटेको पीडित राधाले बताउनुभएको छ । पीडित राधाले हिजो नै प्रहरीमा जाहेरी दिएपछि प्रहरीले कालीचरणलाई पक्राउ गरेको छ । उनलाई हिरासतमा राखिएको र अदालत खुल्नेबित्तिकै म्याद थप गरेर कारबाही अघि बढाउने कैलालीका प्रहरी नायव उपरीक्षक हरि वलीले जानकारी दिनुभयो । 

गएको वर्षको फागुनमा पनि भोले बाबा भनेर चिनिएका रामबहादुर चौधरीले सार्वजनिक स्थानमा नै राधामाथि कुटपिट गरेका थिए । त्यो बेला प्रहरीले जाहेरी लिन नमानेको र मेयर पनि रमिते बनेको भन्दै चौतर्फी आलोचना भएको थियो । रामबहादुर चौधरीसहित २ जनाले अहिले सजाय भोगिरहेका छन् । 

अन्तिम अपडेट: कात्तिक २५, २०७५

निर्मला खडायत

उज्यालाेका कैलाली सहकर्मी खडायतलार्इ फेसबुकमा भेट्न सकिन्छ ।

तपाईको प्रतिक्रिया