उदयपुरमा ट्याक्टर दुर्घटना, वनभोज खाएर फर्किएका तीनजनाको मृत्यु, ३० भन्दा बढी घाइते

 कात्तिक २५, २०७५ आइतबार १९:११:० | सुमित्रा कोइराला
unn.prixa.net

प्रतिकात्मक तस्बिर

उदयपुर – आइतबार साँझ उदयपुरमा ट्याक्टर दुर्घटना भएको छ । दुर्घटनामा तीनजनाको ज्यान गएको छ ।

उदयपुरको बेलका नगरपालिका वडा नम्बर ८ बाट नजिकैको पिकनिक स्पोटमा पिकनिक खाएर फर्कँदै गरेको ट्याक्टर त्यसै स्थानमा रहेको रंगमहलको उकालोमा दुर्घटना भएको बेलका नगरपालिकाका मेयर दुर्गाकुमार थापाले जनकारी दिनुभयो ।

मेयर थापाका अनुसार स १ त ५८५० नम्बरको ट्याक्टर दुर्घटना भएको हो । दुर्घटनामा गम्भीर घाइते ३ जनाको उपचारको लागि विपी कोइराला स्वास्थ्य विज्ञान प्रतिष्ठान धरान लैजाने क्रममा मृत्यु भएको हो ।

मृतकका आफन्त अस्पतालमा नपुगीसकेकाले अहिलेसम्म मृतकको सनाखत हुन नसकेको मेयर थापाले जानकारी दिनुभयो । दुर्घटना भएको स्थानबाट स्थानीयले उद्धार गरी सामान्य घाइतेलाई स्थानीय स्वास्थ्य चौकीमा उपचारका लागि लगेका छन् ।

दुर्घटनामा गम्भीर घाइते भएका ५ जनासहित ३० जनालाई उपचारको लागि विपी कोइराला स्वास्थ्य विज्ञान प्रतिष्ठान धरानमा पुर्याइएको छ । 


 

अन्तिम अपडेट: चैत १५, २०८०

सुमित्रा कोइराला

सुमित्रा कोइराला उदयपुरका उज्यालो सहकर्मी हुनुहुन्छ । 

तपाईको प्रतिक्रिया