कोदोबालीको विषयमा अन्तर्राष्ट्रिय बहस हुँदै
चैत १६, २०८० शुक्रबार
पर्वत – जिल्ला प्रहरी कार्यालय र जिल्ला ट्राफिक कार्यालय पर्वतले संयुक्त रुपमा दसैँ–तिहारमा मात्रै २ सय ८१ ओटा गाडी तथा गाडी चालकलाई कार्वाही गरेको छ ।
जिल्ला प्रहरी कार्यालय पर्वतले दिएको जानकारी अनुसार कार्वाहीबाट २ लाख २९ हजार राजश्व संकलन भएको छ । जिल्ला ट्राफिक कार्यालय पर्वतले जिल्ला प्रहरी कार्यालय पर्वतको समन्वयमा दुर्घटनामुक्त चाडपर्व अभियान सञ्चालन गरेको थियो ।
दसैंभन्दा केही दिन अघिदेखि प्रहरीले गएका वर्षमा घटेका घटनाहरुलाई मध्यनजर गर्दै यो अभियान कडाईका साथ लागू गरेपछि कार्वाहीको संख्या बढेको हो ।
प्रहरीले रक्सी खाएर सवारी चलाउने नौजना चालकलाई कार्वाही गरेको छ । जसमध्ये बेनीदेखि बीरगञ्जतर्फ जाँदै गरेको ना ६ ख ७०३० नम्बरको यात्रुबहाक बसका चालक दलबहादुर पन्तलाई सार्वजनिक मुद्धासमेत दायर गरेको छ ।
पन्तले रक्सी खाएर सवारी चलाउँदा बस अनियन्त्रित भई बसमा सवार बागलुङ नगरपालिका १० की २३ वर्षीया गीता परियार बसबाट खसेर घाइते हुनुभएको थियो । पन्तले मादक पदार्थ सेवन गरी सवारी चलाएको प्रमाणित भएपछि कार्वाहीका लागि मुद्धा दायर गरेको प्रहरी निरीक्षक राजन रायमाझीले जानकारी दिनुभयो ।
प्रहरीले बढी भाडा लिएको भन्दै ७ वटा गाडी र क्षमता भन्दा बढी यात्रु बोकेको भन्दै ४० ओटा गाडीलाई कार्वाही गरेको छ । यस्तै अन्य २ सय २५ सवारीसाधनलाई विभिन्न कसुरमा कार्वाही गरिएको प्रहरी निरीक्षक रायमाझीले जानकारी दिनुभयो ।