MENU

Vacancy

उज्यालो रेडियो र अनलाइनमा काम गर्ने अवसर

उज्यालो रेडियो र अनलाइनको व्यापार तथा व्यवसाय विस्तारको काम गर्न केही जनशक्ति आवश्यक भएकाले उज्यालो अनलाइन तथा रेडियोको बिज्ञापन शाखामा काम गर्न ईच्छुक निम्नलिखित योग्यता पुगेको व्यक्तिले आफ्नो व्यक्तिगत विवरण (बायो डाटा) सहित २०७४ श्रावण १० गतेसम्म [email protected]  मा निवेदन पठाउन सक्नुहुन्छ । 

पद : मार्केटिङ अफिसर – १ (अनलाइनका लागि)
कामको विवरणः
  • उज्यालो अनलाइनका लागि आवश्यक विज्ञापन सामग्री खोज्ने ।
  • व्यवस्थापनसँगको सहकार्य तथा समन्वयमा उज्यालो अनलाइनका लागि योजना बनाउने र सोही अनुसार काम गर्ने ।
  • विज्ञापन एजेन्सी तथा विज्ञापनदाता व्यावसायिक, व्यापारिक प्रतिष्ठान, विभिन्न संघ संस्था, सरकारी–अर्ध सरकारी कार्यालय, संस्थानहरु, विभिन्न संगठित संस्था, राष्ट्रिय तथा अन्तराष्ट्रिय गैर सरकारी संस्थाहरुसंग समन्वय गर्ने । 
  • बिज्ञापनदाता संघ संस्थाहरुको डिजिटल मार्केटिङ योजनाहरुको जानकारी राख्ने र उपयुक्त समयमा आफ्नो प्रस्ताव पेश गर्ने ।
आवश्यक न्यूनतम योग्यता: 
  • बजार व्यवस्थापन वा सम्वन्धित विषयमा स्नातक तह उत्तिर्ण ।
  • विज्ञापन बजार तथा अनलाइन मिडिया मार्केटिङको ज्ञान भएको ।
  • गुगल एनालाइटिक्स, फेसबुक इन्साइट्सको बारेमा सामान्य ज्ञान भएको ।
  • इन्टरनेट, इ–मेल र एक्सेल चलाउन दक्ष ।
  • अनलाइन मिडिया मार्केटिङको अनुभव भएकालाई विशेष प्राथमिकता दिइनेछ । योग्यता र अनुभव पुगेकालाई मात्र अन्तर्वातामा बोलाइनेछ ।
पद: मार्केटिङ अफिसर – १ (रेडियो, अनलाइन डेस्क)
 
कामको विवरणः
  • उज्यालो रेडियो र अनलाइनमा प्राप्त विज्ञापनहरुको रेकर्ड राख्ने, रेडियोमा प्रसारण र अनलाइनमा प्रसारणका लागि क्युसिट बनाउने, विज्ञापनदातासँग गरिेने सम्झौताको ड्राफ्ट गर्ने, विलिंगका लागि लेखासँग समन्वय गर्ने, विज्ञापन उत्पादन र डिजाइनका लागि प्राविधिक, ग्राफिक डिजाइनरसँग समन्वय गर्ने । 
  • विज्ञापन एजेन्सी तथा बिज्ञापनदाता व्यावसायिक, व्यापारिक प्रतिष्ठान, विभिन्न संघ संस्था, सरकारी–अर्ध सरकारी कार्यालय, संस्थानहरु, विभिन्न संगठित संस्था, राष्ट्रिय तथा अन्तराष्ट्रिय गैर सरकारी संस्थाहरुसंग विलिंग, भुक्तानी आदिका लागि समन्वय गर्ने । 
आवश्यक न्यूनतम योग्यता : 
  • बजार व्यवस्थापन वा सम्वन्धित विषयमा स्नातक तह अध्ययनरत  ।
  • रेडियो तथा अनलाइन मार्केटिङबारे सामान्य ज्ञान भएको ।
  • माइक्रोसफ्ट वर्ड, एक्सेल, इन्टरनेट तथा इ–मेल चलाउन सामान्य ज्ञान भएको । 
योग्यता र अनुभव पुगेकालाई मात्र अन्तर्वार्तामा बोलाइनेछ ।
पछिल्ला समाचारहरु

मेरो पनि भन्नु छ

  • मलेसियाका ५२ सहित ६२ वटा कम्पनीमा नेपाली कामदार नपठाउने निर्णय धेरै राम्रो लागेको छ । मलेसियाका कम्पनीले कामदारमाथि गर्ने दुव्र्यवहार र हेलचेक्र्याईले धेरै नेपालीको ज्यान गएको छ । उनीहरुको यस्तो मनोमानीका बारेमा सरकारले बेलैमा ध्यान दिन जरुरी छ ।

    ​बालाराम बि.क.
  • उम्मेदवार छान्ने विषयमा विवाद हुँदा सिरहा कांग्रेस कार्यकर्ताबिच कुटाकुट हुँदा १० जना घाइते भएको खबरले कांग्रेस गुटैगुट भएको पार्टी हो भन्ने पुष्टि गर्छ । पार्टी सभापति शेरबहादुर देउवाको गुट, रामचन्द्र पौडेल पक्षको गुट, भ्रष्टाचार गरेर जेल बसिसकेका खुमबहादुर खड्काको गुट । हिजो अस्ति गुट मात्रै भन्थे आज त गुटको झगडा नै भएछ ।

    सौहार्द
  • निर्वाचनमा सत्ता दुरुपयोग कसरी हुन्छ भन्ने कुरा पछिल्लो पटक भरतपुर १९ को सन्दर्भमा विकसित घटनाक्रमले प्रष्ट पारेको छ ।

    ​जयकृष्ण दुलाल
सबै हेर्नुहोस

सोसल मिडिया