MENU

राजनीति

ujyaalo forign call inside

एमाओवादी नेतृत्वको ३० दलीय मोर्चा फुटको संघारमा

काठमाडों, जेठ २५ – संघीय व्यवस्थामा ८ प्रदेश बनाउने र प्रदेशहरुको सीमांकनको जिम्मा विज्ञको आयोगलाई दिने चार दलबीचको सहमतिलाई लिएर एकीकृत नेकपा माओवादी नेतृत्वको ३० दलीय गठबन्धनमा चर्को विवाद भएको छ ।

सोमबार सिंहदरबारमा बसेको गठबन्धनको बैठकमा एकीकृत नेकपा माओवादीका अध्यक्ष पुष्पकमल दाहाल प्रचण्डले सीमांकनको विवाद विज्ञको आयोगबाट टुंग्याउने गरी ८ प्रदेश बनाउने विषयमा सत्तारुढ नेपाली कांग्रेस र नेकपा  एमालेसँग सहमति भएको जानकारी गराउनासाथ चर्को विवाद भएको हो । चार दलबीच भएको सहमतिप्रति केही मधेसवादी र जनजाती पार्टीका नेताले असन्तुष्टि जनाएका छन् ।

बैठकमा असन्तुष्ट पार्टीका नेताले सीमाको विवाद टुंग्याएर मात्र संविधान बनाइनुपर्ने भन्दै उधारो संघीयता सहितको संविधान कुनै हालतमा नमान्ने बरु गठबन्धनबाट अलग्गिने चेतावनी दिएका छन् । तर एमाओवादी, मधेसी जनअधिकार फोरम लोकतान्त्रिक लगायतका पार्टीका नेताहरुले भने सहमति गर्दा लेनदेन गर्नुको विकल्प नहुने भन्दै ८ प्रदेशमा चित्त बुझाउनुपर्ने धारणा राखे ।

केही पार्टीका नेताले गठबन्धनबाट अलग्गिने चेतावनी दिएपछि गठबन्धनले संविधानका विवादित विषयमा भएको सहमतिप्रति सबै दललाई असहमति राख्ने स्वतन्त्रता दिने निर्णय गरेको छ । बैठकलगत्तै असन्तुष्ट केही मधेसवादी र जनजाती पार्टीले पत्रकार सम्मेलन गरेर गठबन्धनको निर्णयप्रति असहमति जनाएका छन् ।

उनीहरुले सीमांकनको विवाद नटुंग्याइ संविधान निर्माणको काम अगाडि बढाइए गठबन्धनको बैठकमा सहभागी नहुने र संविधानसभाबाट बाहिरिने चेतावनी दिएका छन् । तमलोपा, सद्भावना, मधेसी जनअधिकार फोरम लगायतका दलले गरेको पत्रकार सम्मेलनमा गठबन्धनका एक दर्जन दलका नेता सहभागी थिए ।

Mitsubishi

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया