न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
माेरङ - प्रदेश नं १ का मुख्यमन्त्री शेरधन राईले जनतामा उत्साह जगाउने गरी काम गर्न मन्त्री र सचिवहरुलाई निर्देशन दिनुभएकाे छ ।
बिहीबार मुख्यमन्त्री तथा मन्त्रिपरिषद्को कार्यालयमा भएको मन्त्रालयगत प्रगति समीक्षा कार्यक्रममा मुख्यमन्त्री राईले यस्तो निर्देशन दिनुभएकाे हाे ।
‘जनतामा निराशा छाउँदै गएको, सरकारले परिणाम देखाउने गरी काम गर्न सकेन’ जस्ता कुराहरु बाहिर आउन थालेका छन्, जनताको आशालाई मर्न दिनु हुँदैन, मुख्यमन्त्री राईले भन्नुभयाे, जनतामा उत्साह र विश्वास हामीले जगाउन सक्नुपर्छ ।’
प्रदेश सरकारको बजेट कार्यान्वयन गर्न आवश्यक पर्ने सबै संयन्त्र १५ दिनभित्र तयार गर्न समेत उहाँले निर्देशन दिनुभयाे ।
प्रदेश १ सरकारको नीति कार्यक्रम तथा बजेट राम्रो रहेको भन्दै उहाँले यसको कार्यान्वयनमा विशेष ध्यान दिन सबैलाई निर्देशन दिनुभयाे । बजेट कार्यान्वयनमा अनेक बहानबाजी देखाएर कसैले पनि छुट नपाउने भन्दै मुख्यमन्त्री राईले ‘कर्मचारी भएनन्, समय पुगेन’ भनेर कसैले बहाना गर्न नमिल्ने बताउनुभयाे ।
‘काम गर्न के ले समस्या भएको छ, सचिवले विभागीय मन्त्रीलाई भन्नुपर्याे, मन्त्रीले मलाई भन्नुपर्याे, मन्त्रिपरिषदबाट भए पनि काम गर्ने वातावरण बन्छ,’उहाँले भन्नुभयाे ।
कसैले पनि हिनताबोधको भाव प्रकट नगरी दृढ इच्छाशक्ति, जोश र जाँगरका साथ काम गर्न मुख्यमन्त्री राईले निर्देशन दिनुभयाे । प्रगति समीक्षामा मन्त्रालयगत सबै सचिवहरुले कामको प्रगति विवरण प्रस्तुत गरेका थिए ।