सांसद हसिना खानद्वारा शपथ ग्रहण
बैशाख ७, २०८१ शुक्रबार
मोरङ – गाउँमा कविता श्रृङ्खलाको ३० औं भाग पूरा भएको छ ।
झोराहाट नाट्य केन्द्रमा आयोजित ३० औं श्रृङ्खलामा पनि चारजना कविहरुले आफ्नो कविता सुनाएका छन् । कवि शंकर सुबेदी, तिला लेकाली, अनिता न्यौपाने तथा नारायण पौडेलले कविता वाचन गरे । सुवेदी, लेकाली र पौडेल पूर्वका हुन भने न्यौपाने मकवानपुरबाट गाउँमा कवितामा छनौट भएर आएकी श्रष्टा हुन् ।
कविहरुले वाचन गरेका अधिकांश कविताहरु नारीवादमा आधारित थिए । महिलाका पीडा, छट्पटाहट, अहिलेसम्म देखिएका समस्या र त्यसको निरुपणको बारेमा पनि कविताबाट नै कविहरुले आगो ओकलेका थिए ।
हरेक कविले एउटा कार्यक्रममा ४ वटा कविता सुनाउने नियम अनुसार पहिलो २–२ कविता र त्यसपछिको २–२ वटा कविता सुनाएका थिए । प्रस्तुत गरिएका कवितामा मनको आकार, नारी, सपूत नारी, म धुलो, मन टुक्रिएपछि, अन्तिम पत्र बुवालाई, कतै भेटिउन् कतै नभेटिन्, सुन्दरी केटीको बयानलगायतका कविताले दर्शकको वाहवाही पाएको थियो ।
केन्द्रका अध्यक्ष भरत गुरागाईले जाडोको मौसम शुरु भइसकेको भए पनि झोराहाटमा कविताको तालोले सबैलाई न्यानो थपिएको जानकारी दिए । गाउँमा कविताको श्रृङ्खलामा ३० औं महिनासम्म पुग्नुमा सबैको साथको उच्च प्रशंसा गर्दै उनले अनन्तकालसम्म यो गाउँमा कविताको श्रृङ्खलालाई लैजाने बताए ।