रास्वपाले मुकुल ढकाललाई साधारण सदस्यसमेत नरहने गरी हटायो

भदौ ११, २०८१ मंगलबार १४:१२:१७ | उज्यालो सहकर्मी

काठमाण्डाै – राष्ट्रिय स्वतन्त्र पार्टी (रास्वपा) ले निलम्बित संस्थापक महामन्त्री डा. मुकुल ढकाललाई साधारण सदस्यसमेत नरहने गरी पार्टीबाट हटाएको छ ।

रास्वपाको केन्द्रीय समितिको आज बसेको बैठकले ढकाललाई साधारण सदस्यसमेत नरहने गरी निष्कासन गरेको हो । यसअघि रास्वपाले साधारण सदस्यबाट तपाईंलाई किन नहटाउने भन्दै उहाँलाई दुई पटक स्पष्टीकरण सोधेको थियो । तर ढकालले दिएको जवाफ स्पष्टीकरण नभई कुण्ठा व्यक्त गरिएको नेताहरूले बताएका छन् ।

गएको असार २५ गते बसेको केन्द्रीय समितिको बैठकले ढकाललाई महामन्त्री, प्रवक्ता र केन्द्रीय सदस्यबाट हटाएको थियो । त्यसपछि ३५ दिनभित्र कारबाही उपर पुनरावलोकन गर्ने अवधिमा उहाँले पुनरावेदन गर्नुभएन । उहाँले आफूमाथिको कारबाही वैधानिक नरहेको दाबीसहित निर्वाचन आयोगमा निवेदन दिनुभएको छ । ढकालले दिएको निवेदनमा आयोगले अहिलेसम्म कुनै निर्णय गरिसकेको छैन ।

पार्टीले साधारण सदस्यसमेत नरहने गरी निष्कासन गरेपछि ढकालले न्यायिक निकायले आफूमाथिको कारबाही बदर गर्ने प्रतिक्रिया दिनुभएको छ । उहाँले सामाजिक सञ्जालमा न्यायिक निकायले कारबाहीलाई बदर गरेपछि नैतिकताका आधारमा सभापति रवि लामिछानेले पार्टीको साधारण सदस्यबाट राजीनामा दिनुपर्ने उल्लेख गर्नुभएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

रास्वपाले मुकुल ढकाललाई साधारण सदस्यसमेत नरहने गरी हटायो

फाइल फाेटाे

तपाईको प्रतिक्रिया