न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
सप्तरी – सप्तरीको अग्नीसाइर कृष्णासवरण गाउँपालिका वडा नम्बर २ मा रहेको चौफालमा गएराति जंगली हात्तीले घर भत्काउँदा विजय तामाङ परिवारको बिचल्ली भएको छ ।
मध्ये रातमा आएको हात्तीले स्थानीय विजय तामाङको घर भत्काएको हो । सुतिरहेको अवस्थामा हात्ती आएर घर भत्काउन थालेपछि भागेर ज्यान बचाएको पीडित तामाङले बताउनुभयो ।
हात्तीले घरको छाना भत्काएर अन्नपात खाएको र भाँडाकुँडा कुच्चाएको जानकारी गराउनुभयो । हात्तीले झण्डै पचास हजारभन्दा बढीको क्षति गरेको स्थानीयवासीले बताएका छन् ।
अर्काको काम गरेर गुजारा चलाउँदै आएका तामाङको परिवारको घर हात्तीले भत्काएपछ उनीहरुको झनै बिचल्ली भएको छ ।