काठमाण्डाै – इङ्गल्यान्डसँगको तेस्रो तथा अन्तिम टेस्ट क्रिकेटमा श्रीलङ्का ८ विकेटले विजयी भएको छ ।

इङ्गल्यान्डले दिएको २ सय १९ रनको लक्ष्य श्रीलङ्काले तेस्रो दिनको खाना समयअघि नै मात्र २ विकेट गुमाएर भेटायो । श्रीलङ्काका पथुम निसान्काले शतक बनाए । इङ्गल्यान्डका क्रिस वोक्स र गुस एट्किन्सनले समान १ विकेट लिए ।

दोस्रो पारीमा इङ्गल्यान्ड १ सय ५६ रनमै अलआउट भएको थियो । उसका जेमी स्मिथले सबैभन्दा धेरै ६७ रन बनाए । श्रीलङ्काका लाहिरु कुमाराले ४ विकेट लिए ।

यस्तै इङ्गल्यान्डले पहिलो पारीमा अली पोपले शतक र बेन डकेटको अर्धशतकको मद्दतमा ३ सय २५ रन बनाएको थियो । यस्तै श्रीलङ्काले पहिलो पारीमा पथुम निसान्का, धनन्जय डी सिल्भा र कमिन्दु मेन्डिसको अर्धशतकमा २ सय ६३ रन बनाएको थियो ।

तीन खेलको टेस्ट शृङ्खला इङ्गल्यान्डले यसअघि नै जितेको थियो । इङ्गल्यान्ड पहिलो टेस्टमा ५ विकेट र दोस्रो टेस्टमा १ सय ९० रनले विजयी भएको थियो ।