सन् २०२४ अहिलेसम्मकै तातो वर्ष हुने : संयुक्त राष्ट्रसङ्घ

कात्तिक २६, २०८१ सोमबार १७:२:५० | एजेन्सी

संयुक्त राष्ट्रसङ्घको विश्व मौसम विज्ञान सङ्गठन (डब्ल्यूएमओ) ले सन् २०२४ अहिलेसम्मकै तातो वर्ष हुने बताएको छ । जनवरीदेखि सेप्टेम्बरसम्मको औसत तापक्रम औद्योगिक युग शुरू हुनुअघिको तापक्रमभन्दा एक दशमलव ५४ डिग्री सेल्सियसले बढी रहने डब्ल्यूएमओको ठहर छ ।

विश्वको तापक्रम पहिलोपल्ट औद्योगिक युग शुरू हुनुअघिको भन्दा एक दशमलव ५ डिग्री सेल्सियसभन्दा धेरैले बढ्न लागेको हो । सन् २०२४ अहिलेसम्मको तातो वर्ष हुनुका साथै सन् २०१५ देखि २०२४ अहिलेसम्मकै तातो वर्ष हुने भएको छ । यो भनेको पछिल्लो दशकमा पृथ्वीको तापक्रम लगातार बढेको हो ।

बितेको १० वर्षमा महासागरको तापक्रम निकै बढेको छ । अन्टार्कटिक समुद्री बरफको रेकर्ड सबैभन्दा कम र हिमनदीको क्षति सबैभन्दा बढी हुने डब्ल्यूएमओको भनाइ रहेको बीबीसीले जनाएको छ ।

अजरबैजानको बाकुका शुरू भएको जलवायु परिवर्तनसम्बन्धी विश्व सम्मेलन कोप–२९ मा डब्ल्यूएमओले तापक्रम वृद्धि नियन्त्रणमा विश्वव्यापी पहल नभएमा चाँडै थप सङ्कटहरू आउने चेतावनी दिएको छ ।

अन्तिम अपडेट: मंसिर २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सन् २०२४ अहिलेसम्मकै तातो वर्ष हुने : संयुक्त राष्ट्रसङ्घ

साङ्केतिक तस्वीर

तपाईको प्रतिक्रिया