प्रचण्ड नेतृत्वकाे सरकारलाई निरन्तरता दिन एमाले तयार छ : महास...
बैशाख ७, २०८१ शुक्रबार
रोल्पा – ठेकेदारको लापरबाहीका कारण रोल्पाको रोल्पा नगरपालिका–५, बाजाबाङ र कोछापका स्थानीयले लामो समयदेखि बिजुली बाल्न पाएका छैनन् ।
गाउँमा विद्युत विस्तारको जिम्मा पाएका ठेकेदारले काम सम्पन्न नगरी बीचैमा अलपत्र पारेपछि त्यस गाउँका स्थानीयले ६ महिनाअघिदेखि बिजुली बाल्ने आशमा घरमा वायरिङ गरेर अध्यारोमा बस्न बाध्य भएका छन् ।
गाउँमा विद्युतको पोल गाडेर तार समेत झुण्डाइएको भए पनि ट्रान्सफर्मर जडान नहुँदा स्थानीयले बिजुली बाल्न सकेका छैनन् । छिटो काम सक्न सम्बन्धित निकायमा आग्रह गर्दा पनि दसैँमा हुन्छ, तिहारमा हुन्छ, भन्दै अहिलेसम्म पनि कुनै वास्ता नगरेको स्थानीय बलभद्र महराले गुनासो गर्नुभयो ।
रोल्पाका पत्रकार माधवकुमार ओली उज्यालोका जिल्ला सहकर्मी हुनुहुन्छ ।