मनाङमा यार्सागुम्बा खोज्ने क्रममा भीरबाट लडेका युवकको शव निकाल्न नसकेपछि सुरक्षाकर्मी फर्किए

वैशाख २२, २०८२ सोमबार १५:५:१९ | उज्यालो सहकर्मी

काठमाण्डाै – मनाङमा यार्सागुम्बा खोज्ने क्रममा भीरबाट खसेर ज्यान गुमाएका युवकको शव निकाल्न गएको सुरक्षा टोली रित्तै फर्किएको छ ।

नार्पाभूमि गाउँपालिका वडा नम्बर २ नाम्के खर्कको हुलाकी ओडारमाथि यार्सागुम्बा टिप्न गएका धादिङका आकाश तामाङको ज्यान गएपछि शव निकाल्न टोली खटिएको थियो । धादिङको गङ्गाजमुना गाउँपालिका वडा नम्बर १ का तामाङ वैशाख १६ गते नै भीरबाट खसेकामा प्रहरीले १९ गतेमात्रै खबर पाएको हो ।

उद्धारका लागि सुरक्षा टोली खटाएकोमा कठिन भूगोलका कारण शव निकाल्न सम्भव नभएको मनाङका प्रमुख जिल्ला अधिकारी मात्रिका आचार्यले जानकारी दिनुभयो ।

मनाङसहित मुस्ताङका उच्चलेक तथा पाटनमा पनि यार्सागुम्बा सङ्कलन शुरू भएको छ । मुस्ताङको थासाङमा रहेको कोवाङ र टुकुचेको उच्चलेक तथा पाटनमा यार्सा सङ्कलन शुरू भएको संरक्षण व्यवस्थापन समिति कोवाङका अध्यक्ष जीवन थकालीले जानकारी दिनुभयो ।

यस्तै डोल्पाका पाटनहरूमा भने आउँदो जेठ ५ गतेदेखि मात्रै यार्सा सङ्कलन फुकुवा हुने भएको छ । सर्वपक्षीय बैठकले जेठ ५ गतेदेखि सबै पाटनहरू खुला गर्ने निर्णय गरेको प्रमुख जिल्ला अधिकारी रोमबहादुर महतले जानकारी दिनुभयो ।

बैठकले पाटनमा सामुदायिक वन उपभोक्ता समितिबाट माग भएमा सुरक्षाका लागि नेपाली सेना, सशस्त्र प्रहरी बल, राष्ट्रिय अनुसन्धान र नेपाल प्रहरी परिचालन गर्नेसमेत निर्णय गरेको उहाँले बताउनुभयो ।

हरेक वर्ष मनाङ, मुस्ताङ, डोल्पालगायत जिल्लाका उच्च भूभागमा यार्सा खोज्नेहरूको भीड लाग्ने गर्दछ । यार्सा सङ्कलनका क्रममा लेक लाग्ने, लड्नेदेखि झैझगडा र यार्सा लुटपाट गर्नेसम्मका घटना हुने भएकाले सम्बन्धित जिल्ला प्रशासन कार्यालयहरूमार्फत सुरक्षाको प्रबन्ध गर्ने व्यवस्था छ ।

अन्तिम अपडेट: साउन २, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

मनाङमा यार्सागुम्बा खोज्ने क्रममा भीरबाट लडेका युवकको शव निकाल्न नसकेपछि सुरक्षाकर्मी फर्किए

फाइल तस्वीर

तपाईको प्रतिक्रिया