अमेरिकाद्वारा यूएईसँग दुई सय अर्ब डलरभन्दा धेरैको सम्झौता

जेठ ३, २०८२ शनिबार ९:५८:१४ | एजेन्सी

अमेरिकाले संयुक्त अरब इमिरेट्स (यूएई) सँग दुई सय अर्ब डलरभन्दा धेरैको सम्झौता घोषणा गरेको छ । सम्झौतामा अत्याधुनिक अन्तरिक्ष यान, ऊर्जा र महत्त्वपूर्ण खनिजहरू समावेश गरिएको छ ।

जीई एरोस्पेसले इतिहाद एअरवेजबाट जीई इन्जिनद्वारा सञ्चालित बोइङ र विमान खरिद गर्नका लागि १४ दशमलव ५ बिलियन डलरको सम्झौता गरेको ह्वाइट हाउसले जनाएको अन्तर्राष्ट्रिय सञ्चारमाध्यमले उल्लेख गरेका छन् ।

‘इमिरेट्स ग्लोबल एल्युमिनियम’ ले ओक्लाहोमा राज्यमा चार अर्ब डलरको प्राथमिक एल्युमिनियम गाल्ने परियोजनामा लगानी गर्ने प्रेस विज्ञप्तिमा जनाइएको छ ।

एक्सोनमोबिल, अक्सिडेन्टल पेट्रोलियम र ईओजी रिसोर्सेजले आबुधाबीको नेसनल आयल कम्पनीसँग ६० अर्ब डलरको तेल र प्राकृतिक ग्यासको उत्पादनका लागि सहकार्य गरिरहेको छ ।

त्यसैगरी आरटीएक्सले इमिरेट्स ग्लोबल एल्युमिनियम र यूएईको काउन्सिल तवाजुनसँग चर्चित ‘ग्यालियम प्रोजेक्ट’ मा साझेदारी गरिरहेको छ ।

अमेरिकी राष्ट्रपति डोनाल्ड ट्रम्पले अस्ति बिहीवार साउदी अरब र कतारको भ्रमणपछि यूएईको भ्रमण गर्नुभएको हो । उहाँ हिजो आबुधाबीमा महत्त्वपूर्ण व्यापारिक बैठकमा सहभागी हुनुभयो । योसँगै अमेरिकी राष्ट्रपति ट्रम्पको पश्चिम एशिया भ्रमण सकिएको छ ।

अन्तिम अपडेट: जेठ ३१, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अमेरिकाद्वारा यूएईसँग दुई सय अर्ब डलरभन्दा धेरैको सम्झौता

तस्बिर : एजेन्सी

तपाईको प्रतिक्रिया